റിയാദ് ● ഇടിമിന്നലില്‍ നിന്ന് സൗദി യാത്രാവിമാനം രക്ഷപ്പെട്ടത് തലനാരിഴയ്ക്ക്. വടക്കുപടിഞ്ഞാറന്‍ സൗദിയ്ക്ക് മുകളിലൂടെ പറക്കുകയായിരുന്ന വിമാനമാണ് ഇടിമിന്നലില്‍ നിന്ന് അത്ഭുതകരമായി രക്ഷപ്പെട്ടത്.
വടക്കുപടിഞ്ഞാറന്‍ പട്ടണമായ ഹൈലിന് മുകളിലൂടെ പറക്കുകയായിരുന്ന വിമാനത്തെ തൊട്ടു തൊട്ടില്ല എന്ന രീതിയില്‍ മിന്നല്‍ കടന്നുപോകുന്ന ദൃശ്യങ്ങള്‍ അജേല്‍ പത്രമാണ്‌ പുറത്തുവിട്ടത്. വിമാനം നീങ്ങിക്കൊണ്ടിരുന്നതിനാല്‍ തലനാരിഴയ്ക്ക് മിന്നലില്‍ രക്ഷപ്പെട്ടെന്നും ആളപായമൊന്നുമില്ലെന്നും പത്രം റിപ്പോര്‍ട്ട് ചെയ്തു.
സമാനമായ അപകടങ്ങള്‍ നേരത്തേയും സംഭവിച്ചിട്ടുണ്ട്. ഫെബ്രുവരി എത്തിഹാദ് വിമാനം ആകാശച്ചുഴിയില്‍ വീണപ്പോഴുള്ള ദൃശ്യങ്ങള്‍ ഒരു യാത്രക്കാരന്‍ പകര്‍ത്തിയിരുന്നു. ഏപ്രിലില്‍ ലണ്ടനില്‍ ബ്രിട്ടീഷ് എയര്‍വേയ്സ് വിമാനത്തിന് മിന്നലേറ്റിരുന്നു.
Post Your Comments