കൊച്ചി: ഹൈക്കോടതി പരവൂര്‍ ദുരന്തത്തിന്റെ പശ്ചാത്തലത്തില്‍ വെടിക്കെട്ട് നിരോധനത്തില്‍ ഇടപെടുന്നു. ജസ്റ്റിസ് ചിദംബരേഷ് ഹൈക്കോടതി രജിസ്റ്റാര്‍ക്ക് നിരോധനം ആവശ്യപ്പെട്ട് കത്തയച്ചു. കോടതി കത്ത് പൊതുതാത്പര്യ ഹര്‍ജിയായി പരിഗണിക്കും. ബെഞ്ചിലുള്ളത് ജസ്റ്റിസ് തോട്ടത്തില്‍ ബി രാധാകൃഷ്ന്‍, ജസ്റ്റിസ് അനു എന്നിവരാണ്. കോടതി കേസ് നാളെയാണ് പരിഗണിക്കുന്നത്.
ഹൈക്കോടതിയുടെ ഇടപെടല്‍ നൂറിലധികം പേരുടെ മരണത്തിനിടയാക്കിയ പരവൂര്‍ വെടിക്കെട്ട് ദുരന്തത്തെത്തുടര്‍ന്ന് വെടിക്കെട്ട് നിരോധിക്കണമെന്ന ആവശ്യം ശക്തമാവുന്നതിനിടെയാണ്.
മുഖ്യമന്ത്രി ഉമ്മന്‍ ചാണ്ടി ഇന്നലെ വെടിക്കെട്ട് നിരോധിക്കാന്‍ കഴിയില്ലെന്നും നിയന്ത്രിക്കാന്‍ മാത്രമേ കഴിയൂ എന്നുംവ്യക്തമാക്കിയിരുന്നു. മുഖ്യമന്ത്രിയുടെ നിലപാട് ആചാരത്തിന്റെയും പാരമ്പര്യത്തിന്റെയും പേരില്‍ പലരും വൈകാരികമായാണ് വെടിക്കെട്ടിനെ കാണുന്നതെന്നുമായിരുന്നു. വെടിക്കെട്ട് നിരോധനം ഗൗരവമായി ആലോചിക്കണമെന്ന ആവശ്യമാണ് കോണ്‍ഗ്രസ് പ്രവര്‍ത്തകസമിതിയംഗം എ.കെ.ആന്റണി ഉന്നയിച്ചത്. സമുദായസംഘടനകളും ആത്മീയനേതാക്കളും രാഷ്ട്രീയപാര്‍ട്ടികളും നിരന്തരം മനുഷ്യക്കുരുതിക്ക് ഇടയാക്കുന്ന വെടിക്കെട്ട് നിരോധിക്കുന്നകാര്യം ആലോചിക്കണമെന്ന് എ.കെ.ആന്റണി ആവശ്യപ്പെട്ടു. ഇന്ത്യന്‍ മെഡിക്കല്‍ അസോസിയേഷനും വെടിക്കെട്ട് നിരോധിക്കണമെന്ന് ആവശ്യപ്പെട്ട് കോടതിയെ സമീപിക്കാന്‍ തീരുമാനിച്ചിട്ടുണ്ട്.
Post Your Comments