ആലപ്പുഴ: ജെ.എസ്.എസ് നേതാവ് കെ.ആര്‍ ഗൗരിയമ്മ ഇടതുമുന്നണി സീറ്റ് നിഷേധിച്ചതില്‍ പ്രതിഷേധവുമായി രംഗത്ത്. ഉറങ്ങിക്കിടന്നവനെ വിളിച്ചുവരുത്തി സീറ്റ് നല്‍കാതെ സി.പി.എം വഞ്ചിച്ചു. ഇത് രാഷ്ട്രീയ വഞ്ചനയാണ്. എ.കെ.ജെി സെന്ററിലേക്ക് ക്ഷണിച്ചുവരുത്തിയ ശേഷം സീറ്റ് നിഷേധിച്ചേതിന് ന്യായീകരണമില്ല. ബി.ജെ.പിയുടെ ക്ഷണം ഈ ഘട്ടത്തില്‍ സ്വീകരിക്കും. ജെ.എസ്.എസ് ഇതുവരെ ആരെയും വഞ്ചിച്ചിട്ടില്ല.
ഏപ്രില്‍ ഒമ്പതിന് ചേരുന്ന സംസ്ഥാന കമ്മിറ്റിയില്‍ ഈ തെരഞ്ഞെടുപ്പില്‍ പ്രവര്‍ത്തകര്‍ ഏതു സ്ഥാനാര്‍ത്ഥിക്ക് വോട്ടു ചെയ്യണമെന്നും എന്തു രാഷ്ട്രീയ നിലപാട് സ്വീകരിക്കണമെന്നും തീരുമാനമെടുക്കുമെന്ന് ഗൗരിയമ്മ അറിയിച്ചു. ബി.ജെ.പി സംസ്ഥാന അധ്യക്ഷന്‍ കുമ്മനം രാജശേഖരന്‍ ഗൗരിയമ്മയുടെ ജെ.എസ്.എസ് വിഭാഗുമായി തെരഞ്ഞെടുപ്പില്‍ യോജിക്കാന്‍ തയ്യാറാണെന്ന് നേരത്തെ തന്നെ വ്യക്തമാക്കിയിരുന്നു.
Post Your Comments