ഹൈദരാബാദ്: ജെ.എന്‍.യു വിദ്യാര്‍ത്ഥി യൂണിയന്‍ നേതാവ് കനയ്യ കുമാറിന് നേരെ ഹൈദരാബാദില്‍ ചെരുപ്പേറ്. വാര്‍ത്ത സമ്മേളനത്തിനിടെയാണ് സംഭവം. മൂന്ന് ഷൂകളാണ് കനയ്യയ്ക്ക് നേരെ എറിഞ്ഞത്. ഇവരില്‍ രണ്ട് പേരെ പോലീസ് പിടികൂടിയിട്ടുണ്ട്. പവന്‍ കുമാര്‍ റെഡ്ഡി, നരേഷ് കുമാര്‍ എന്നിവരെയാണ് പോലീസ് കസ്റ്റഡിയിലെടുത്ത്.
കനയ്യകുമാറിനെപ്പോലുള്ള രാജ്യദ്രോഹികളെ സംസാരിക്കാന്‍ അനുവദിക്കരുതെന്ന് വിളിച്ച് പറഞ്ഞുകൊണ്ടായിരുന്നു ചെരുപ്പേറ്.
ചൊവ്വാഴ്ച വൈകിട്ട് ഹൈദരാബാദ് സര്‍വകലാശാലയിലെത്തിയ കനയ്യയെ ക്യാമ്പസില്‍ കടക്കാന്‍ അനുവദിച്ചിരുന്നില്ല. ഹൈദരാബാദ് സര്‍വകലാശാലയില്‍ ജീവനൊടുക്കിയ ഗവേഷക വിദ്യാര്‍ഥി രോഹിത് വെമുലയുടെ മരണത്തില്‍ പ്രതിഷേധിക്കുന്നവര്‍ക്ക് ഐക്യാര്‍ഢ്യം അറിയിക്കുന്നതിനു വേണ്ടിയാണു കനയ്യ കാമ്പസിലെത്തിയത്.
Post Your Comments