നാവികസേനയുടെ ഡ്രോൺ കൊച്ചിയില്‍ തകര്‍ന്നുവീണു

കൊച്ചി: നാവിക സേനയുടെ ഡ്രോൺ കൊച്ചി തീരത്ത് തകർന്നു വീണു. ഇസ്രായേൽ നിർമിത ‘ഹെറോൺ’ ഡ്രോൺ വെള്ളിയാഴ്ച രാത്രിയാണ് തകർന്ന് വീണത്. എൻജിൻ തകരാറിനെ തുടർന്നാണ് ഡ്രോൺ തകര്‍ന്നുവീണത്.

സംഭവത്തെക്കുറിച്ച് നാവികസേന അന്വേഷണം ആരംഭിച്ചിട്ടുണ്ട്. നാവികസേന നടത്തിയ തിരച്ചിലിൽ ഡ്രോണിന്റെ എൻജിൻ അടക്കമുള്ളവ കടലിൽ നിന്ന് കണ്ടെത്തിയിട്ടുണ്ട്. 2010 ൽ ‘സെർച്ചർ 2’ വിഭാഗത്തിൽപ്പെട്ട ഡ്രോൺ കൊച്ചിയിൽ തകർന്നുവീണിരുന്നു.