കൊച്ചി: കതിരൂർ മനോജ് വധക്കേസിൽ നുണപരിശോധനയ്ക്ക് തയാറല്ലെന്ന് സിപിഎം നേതാവ് പി. ജയരാജൻ സി.ബി.ഐയെ അറിയിച്ചു. സി.ബി.ഐ ചോദ്യം ചെയ്യലിനിടെയാണ് ജയരാജൻ ഇക്കാര്യം പറഞ്ഞത്. കഴിഞ്ഞദിവസം ചോദ്യം ചെയ്യലിനിടെ കതിരൂര്‍ മനോജ് ആര്‍.എസ്.എസ് പ്രവര്‍ത്തകന്‍ ആണെന്ന് തനിക്ക് അറിയില്ലായിരുന്നുവെന്നും തന്നെ വധിക്കാന്‍ എത്തിയവരുടെ കൂട്ടത്തില്‍ മനോജ് ഉണ്ടായിരുന്നോ എന്ന് അറിയില്ലെന്നും പറഞ്ഞിരുന്നു. ഇതേത്തുടര്‍ന്നാണ് സി.ബി.ഐ നുണപ്പരിശോധന ആവശ്യപ്പെട്ടത്. എന്നാല്‍ നുണപരിശോധനയ്ക്ക് തയാറല്ലെന്ന് ജയരാജന്‍ അറിയിക്കുകയായിരുന്നു. ഇക്കാര്യം എഴുതി നല്കാന്‍ സി.ബി.ഐ ആവശ്യപ്പെട്ടെങ്കിലും ജയരാജന്‍ തയ്യാറായില്ല.
ഇന്നും പി. ജയരാജൻ ചോദ്യം ചെയ്യലിനോട് കാര്യമായി സഹകരിച്ചില്ല. മൂന്നു ദിവസത്തെ ചോദ്യം ചെയ്യൽ സമാപിച്ചു. ജയരാജനെ കസ്റ്റഡിയിൽ വാങ്ങാൻ സി.ബി.ഐ വീണ്ടും അപേക്ഷ നൽകും.
Post Your Comments