മാവേലിക്കര : ബസ് കാത്തു നിന്ന വിദ്യാര്‍ഥി മണ്ണുലോറി ഇടിച്ചു മരിച്ചു. ചെട്ടികുളങ്ങര ഗോകുലത്തില്‍ രാജന്റെ മകന്‍ രാഹുല്‍രാജ് (21) ആണ് മരിച്ചത്. ഇന്ന് രാവിലെ 7.35-നായിരുന്നു അപകടം.
തട്ടാരമ്പലം ഭാഗത്തു നിന്നും വന്ന ബൈക്കുകള്‍ കൂട്ടിമുട്ടി റോഡിനു നടുവിലേക്ക് വീണവരെ രക്ഷിക്കുന്നതിനായി ലോറി വെട്ടിച്ചപ്പോള്‍ നിയന്ത്രണം വിട്ട് റോഡരികില്‍ നില്‍ക്കുകയായിരുന്ന രാഹുലിനെയും സുഹൃത്ത് ഹരികൃഷ്ണനേയും ഇടിച്ചു തെറിപ്പിക്കുകയായിരുന്നു.
മാന്നാറിലുള്ള സ്വകാര്യ ഐ.ടി.ഐയിലെ വിദ്യാര്‍ഥിയായ രാഹുല്‍ ഐ.ടി.ഐയിലേക്ക് പോകുവാനായി തട്ടയ്ക്കാട്ടുപടി ജംഗ്ഷനില്‍ ബസ് കാത്തുനില്‍ക്കുമ്പോഴായിരുന്നു അപകടം. തട്ടാരമ്പലത്തിലെ സ്വകാര്യ ആശുപത്രിയില്‍ എത്തിച്ചെങ്കിലും രാഹുലിന്റെ ജീവന്‍ രക്ഷിക്കാനായില്ല. ഹരികൃഷ്ണന്‍ പരിക്കുകളോടെ ആശുപത്രിയിലാണ്.
Post Your Comments