ചെന്നൈ : വീട്ടമ്മയെ തട്ടിക്കൊണ്ടു പോയി ആശ്രമത്തില് തടവിലിട്ട ആള്‍ദൈവം അറസ്റ്റില്‍. തമിഴ്‌നാട്ടിലെ ഉപ്പോഡെപട്ടി ഗ്രാമം കേന്ദ്രമാക്കി പ്രവര്‍ത്തിക്കുന്ന സതീശ് ഗുരുദേവ് ആണ് അറസ്റ്റിലായത്.
ദേവി എന്ന യുവതിയെയാണ് ഇയാള്‍ തടവിലിട്ടത്. ദേവിയുടെ ഭര്‍ത്താവ് ജെ.അമൃതരാജ് നല്‍കിയ പരാതിയില്‍ പോലീസ് ആശ്രമത്തില് നടത്തിയ തിരച്ചിലില്‍ ദേവിയെ കണ്ടെത്തി. ദേവിയെ ഫെബ്രുവരി 18 മുതല്‍ സതീശ് ഗുരുദേവ് ആശ്രമത്തില് തടവിലിട്ടിരുന്നതായി പരാതിയില്‍ ചൂണ്ടിക്കാട്ടുന്നു. പല തവണ ആവശ്യപ്പെട്ടിട്ടും ഭാര്യയെ വിട്ടു നല്‍കാന്‍ തയാറായില്ല എന്നും പരാതിയില്‍ പറഞ്ഞിരുന്നു.
ആശ്രമത്തില് നിന്ന് കണ്ടെത്തിയ ദേവിയെ കോടതിയില്‍ ഹാജരാക്കി. കോടതി ദേവിയെ ഭര്‍ത്താവിന്റെ കൂടെ വിട്ടയച്ചു. സംഭവത്തില്‍ സതീശ് ഗുരുദേവും മൂന്നു പേരും അറസ്റ്റിലായി.
Post Your Comments