തിരുവനന്തപുരം: നായയുമായി ലൈംഗികബന്ധത്തിന് ശ്രമിക്കുന്ന മധ്യവയസ്കന്റെ വീഡിയോ മെസേജിംഗ് പ്ലാറ്റ്ഫോമായ വാട്സ്ആപ്പില്‍ പ്രചരിക്കുന്നു. മുണ്ടുടുത്തിരിക്കുന്ന ഒരു മധ്യവയസ്‌ക്കന്‍ ഒരു നായയെ പിടിച്ച് ശരീരത്തോട് ചേര്‍ത്തുനിര്‍ത്തി ലൈംഗികബന്ധം നടത്താന്‍ ശ്രമിക്കുന്ന രംഗമാണ് വീഡിയോയിലുള്ളത്. രണ്ട് മിനിറ്റ് ദൈര്‍ഘ്യമുള്ള ചിത്രം ആരാണ് പകര്‍ത്തിയതെന്ന് വ്യക്തമല്ല.
അതിനിടെ, വീഡിയോയിലുള്ള ആളെ കണ്ടെത്താന്‍ അന്വേഷണ ഏജന്‍സികളും മൃഗസ്‌നേഹികളുടെ സംഘടനകളും മറ്റും ശ്രമം തുടങ്ങി. ഹ്യൂമന്‍ സൊസൈറ്റി ഇന്റര്‍നാഷണല്‍ഇന്ത്യ എന്ന സംഘടന ഇയാളെപ്പറ്റി വിവരം നല്‍കുന്നവര്‍ക്ക് ഒരു ലക്ഷം രൂപ പാരിതോഷികം പ്രഖ്യാപിച്ചിരിക്കുകയാണ്. ഡി.ജി.പി സെന്‍കുമാറിനും സംഘടന ഇതുസംബന്ധിച്ച് പരാതി നല്‍കിയിട്ടുണ്ട്. വീഡിയോയിലെ പശ്ചാത്തലം കണ്ടാല്‍ കേരളമാകും എന്നു സംശയം തോന്നുന്നതിനാലാണ് സംഘടന കേരളം കേന്ദ്രീകരിച്ച് അന്വേഷണം നടത്തുന്നത്. ഇത്തരത്തിലുള്ള ക്രൂരതയ്‌ക്കെതിരെ നടപടിയെടുത്തില്ലെങ്കില്‍ ഭാവിയില്‍ അവ ആവര്‍ത്തിക്കുമെന്ന് സംഘടനയുടെ മാനേജിംഗ് ഡയറക്ടര്‍ എന്‍.ജി ജയസിംഹ പറഞ്ഞു.
സംഭവത്തെക്കുറിച്ചോ ആ നായയെക്കുറിച്ചോ എന്തെങ്കിലും വിവരങ്ങള്‍ അറിയുന്നവര്‍ 917674922044 എന്ന നമ്പരില്‍ വിവരമറിയിക്കണമെന്ന് ഹ്യൂമന്‍ സൊസൈറ്റി ഇന്റര്‍നാഷണല്‍ഇന്ത്യ അറിയിച്ചു.
Post Your Comments