ടെല്‍ അവീവ് : ഇന്ത്യന്‍ വിദ്യാര്‍ത്ഥി ഇസ്രയേലില്‍ മരിച്ച നിലയില്‍. ഇന്ത്യയില്‍ നിന്നുള്ള വൈദ്യശാസ്ത്ര ഗവേഷണ വിദ്യാര്‍ത്ഥിയെയാണ് ഇസ്രായേലില്‍ മരിച്ച നിലയില്‍ കണ്ടെത്തിയത്.
ടെല്‍ അവീവ് യൂണിവേഴ്‌സിറ്റിയില്‍ അര്‍ബുദ വിഷയത്തില്‍ ഗവേഷകനായ രാജ് കുമാര്‍ രാജയെയാണ് തിങ്കളാഴ്ച ഡോര്‍മെറ്ററിയില്‍ മരിച്ചനിലയില്‍ കണ്ടെത്തിയത്. തിങ്കളാഴ്ച ലാബില്‍ എത്താതിരുന്നതിനെ തുടര്‍ന്ന് സര്‍വകലാശാലയില്‍ നിന്ന് അന്വേഷിച്ചെത്തിയ ജീവനക്കാരനാണ് രാജയെ മരിച്ചനിലയില്‍ കണ്ടെത്തിയത്.
ആന്ധ്രാപ്രദേശിലെ കുപ്പം സ്വദേശിയാണ് രാജ. പ്രാഥമിക പരിശോധനയില്‍ സംശയകരമായി ഒന്നും കണ്ടെത്താന്‍ കഴിഞ്ഞിട്ടില്ലെന്നും മൃതദേഹം ഫോറന്‍സിക് പരിശോധനയ്ക്ക് മാറ്റിയതായും പോലീസ് അറിയിച്ചു.
Post Your Comments