മുംബൈ: മുംബൈ ഹൈക്കോടതി ശബരിമലയില്‍ സ്ത്രീകള്‍ക്ക് പ്രവേശനം നല്‍കണമെന്ന് ആവശ്യപ്പെടുന്ന ഹര്‍ജിയില്‍ സുപ്രീംകോടതി വിധി വരുന്നതിനു വേണ്ടി കാത്തിരിയ്ക്കുന്നു. ശബരിമലയില്‍ സ്ത്രീകള്‍ക്ക് പ്രവേശനം അനുവദിച്ചാല്‍ മുസ്ലിം ആരാധനാലയമായ ഹാജി അലി ദര്‍ഗയില്‍ സ്ത്രീകളെ കയറ്റണമെന്ന് ആവശ്യപ്പെട്ടുന്ന ഹര്‍ജിയില്‍ തീരുമാനമെടുക്കാമെന്ന് മുംബൈ ഹൈക്കോടതി പറയുന്നു. ഈ കാര്യം വ്യക്തമാക്കിയത് ജസ്റ്റിസ് വിഎം ഖാനാഡെ അധ്യക്ഷനായ ബെഞ്ചാണ്.
ബോംബെ ഹൈക്കോടതി പരിഗണിക്കുന്നത് മുംബൈയിലെ ഹാജി അലി ദര്‍ഗയില്‍ മുസ്ലിം സ്ത്രീകള്‍ക്കുള്ള നിരോധനം നീക്കണമെന്നാവശ്യപ്പെട്ടുള്ള പൊതുതാത്പര്യഹര്‍ജിയാണ്. സ്ത്രീകളുടെ പ്രവേശനവുമായി ബന്ധപ്പെട്ട് സമാനമായ കേസാണ് സുപ്രീംകോടതിയിലുമുള്ളതെന്ന് ബെഞ്ച് നിരീക്ഷിച്ചു. ബെഞ്ച് വ്യക്തമാക്കുന്നത് ശബരിമല കേസില്‍ സുപ്രീംകോടതിയുടെ നിലപാട് എന്തായിരിക്കുമെന്ന് നോക്കി അതിനനുസരിച്ച് ഹര്‍ജിയില്‍ ഇടക്കാല ഉത്തരവ് പുറപ്പെടുവിക്കുമെന്നാണ്. മുംബൈ ഹൈക്കോടതിയുടെ നിരീക്ഷണം ഭരണഘടനാപരമായി സ്ത്രീകള്‍ ശബരിമലയില്‍ പ്രവേശിക്കുന്നത് വിലക്കാനാവില്ലെന്ന് കഴിഞ്ഞ ജനുവരി 11ന് സുപ്രീംകോടതി പറഞ്ഞതിന് പിന്നാലെയാണ്.
Post Your Comments