ന്യൂഡല്‍ഹി: കേന്ദ്രപാര്‍ലമെന്ററികാര്യ മന്ത്രി വെങ്കയ്യ നായിഡു ബിജെപി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ നയിക്കുന്ന വിമോചന യാത്ര 20 ന് ഉദ്ഘാടനം ചെയ്യും. മാദ്ധ്യമങ്ങളെ കുമ്മനം രാജശേഖരന്‍ ഇക്കാര്യം അറിയിച്ചത് ഡല്‍ഹിയില്‍ ബിജെപി ദേശീയ അദ്ധ്യക്ഷന്‍ അമിത് ഷായുമായി കൂടിക്കാഴ്ച നടത്തിയ ശേഷമാണ്. യാത്ര സമാപിക്കുന്നത് ഫെബ്രുവരി 10 നാണ്. കേന്ദ്ര ആഭ്യന്തരമന്ത്രി രാജ്‌നാഥ് സിംഗ് സമാപന സമ്മേളനത്തില്‍ പങ്കെടുക്കും.കേന്ദ്രമന്ത്രിമാരും കേന്ദ്ര നേതാക്കളും വിവിധ കേന്ദ്രങ്ങളില്‍ പങ്കെടുക്കുമെന്നും കുമ്മനം പറഞ്ഞു. വിമോചന യാത്ര നടക്കുന്നത് വികസിത കേരളത്തിനായി എല്ലാവര്‍ക്കും അന്നം, വെളളം, മണ്ണ്, തൊഴില്‍, തുല്യനീതി എന്ന മുദ്രാവാക്യമുയര്‍ത്തിയാണ്. യാത്ര നടക്കുന്നത് മഞ്ചേശ്വരം മുതല്‍ പാറശാല വരെയാണ്.
കുമ്മനത്തോടൊപ്പം കൂടിക്കാഴ്ചയില്‍ ബിജെപിയുടെ സംസ്ഥാന തെരഞ്ഞെടുപ്പ് സമിതി കണ്‍വീനര്‍ വി. മുരളീധരന്‍, ഭാരത് ധര്‍മ ജനസേന സംസ്ഥാന അദ്ധ്യക്ഷന്‍ തുഷാര്‍ വെളളാപ്പളളി എന്നിവരും പങ്കെടുത്തു. സംസ്ഥാനത്ത് എല്‍ഡിഎഫിനും യുഡിഎഫിനും എതിരായ വികാരം രൂപപ്പെട്ടിട്ടുണ്ട്. അത് ഓരോ ദിവസം കഴിയുന്തോറും ശക്തിപ്പെടുന്നുണ്ട്. എല്‍ഡിഎഫിനും യുഡിഎഫിനും എതിരായ കൂട്ടായ്മകള്‍ പല വേദികളിലും രൂപം കൊള്ളുന്നുണ്ടെന്നും അദ്ദേഹം കൂട്ടിച്ചേര്‍ത്തു. നിയമയഭാ തെരഞ്ഞെടുപ്പിലെ രാഷ്ട്രീയ സഖ്യങ്ങളെക്കുറിച്ചുള്ള പ്രാഥമിക ധാരണകള്‍് ആയിട്ടുണ്ടെന്നും കുമ്മനം രാജശേഖരന്‍ സൂചനകള്‍ നല്‍കി.
Post Your Comments