മൊറേനാ: ആയുധ ധാരികളായ കൊള്ളസംഘങ്ങളുടെയും പിടിച്ചുപറിയുടെയും പേരിലെല്ലാം മധ്യപ്രദേശിലെ ‘ചമ്പല്‍’ പ്രദേശവും ‘ചമ്പല്‍ കാടുമെല്ലാം’ വര്‍ഷങ്ങള്‍ക്ക് മുമ്പേ ദേശിയ തലത്തില്‍ ശ്രദ്ധിക്കപ്പെട്ടതാണ്. വീണ്ടും ചമ്പല്‍ കാട് വാര്‍ത്തകളില്‍ നിറയുന്നത് ബാങ്കിനെതിരെ തോക്കെടുത്ത പ്രദേശത്തെ കര്‍ഷകരെ കാരണമാണ്. ജില്ലാ കളക്ടര്‍ കഴിഞ്ഞദിവസം റദ്ദുചെയ്തത്‌കൊള്ളക്കാരുടെ കടന്നുകയറ്റങ്ങളില്‍ സ്വയരക്ഷ കണക്കിലെടുത്ത് പ്രദേശത്തെ 34 കര്‍ഷകര്‍ക്ക് നല്‍കിയ തോക്കുകളുടെ ലൈസന്‍സാണ്. നടപടിയുണ്ടായത് പ്രദേശത്തെ സഹകരണ ബാങ്കിന്റെ പരാതിയിലാണ്.
കര്‍ഷകര്‍ക്ക് എതിരെ പരാതി നല്‍കിയത് മൊറേനാ സെന്‍ട്രല്‍ സഹകരണ ബാങ്കാണ്. പരാതിയില്‍ ബാങ്കില്‍ നിന്നെടുത്ത ലോണ്‍ കര്‍ഷകര്‍ മടക്കിനല്‍കുന്നില്ലെന്നും, ഇക്കാര്യം അന്വേഷിച്ച് എത്തുന്ന ബാങ്ക് ജീവനക്കാരെ കര്‍ഷകര്‍ തോക്കുചൂണ്ടി വിരട്ടിയോടിക്കുകയാണെന്നും ചൂണ്ടിക്കാണിക്കുന്നു. തോക്കുകളുടെ ലൈസന്‍സുകള്‍ റദ്ദാക്കിക്കൊണ്ട് കളക്ടര്‍ വിനോദ് ശര്‍മ്മ ഉത്തരവിട്ടത് കര്‍ഷകര്‍ ആയുധങ്ങള്‍ ദുരുപയോഗം ചെയ്യുന്നതായി വ്യക്തമായതോടെയാണ്.
Post Your Comments