കോഴിക്കോട് : മിഠായിത്തെരുവില്‍ ചുംബനത്തെരുവ് സമരം സംഘടിപ്പിച്ച ഞാറ്റുവേല സാംസ്‌കാരിക സംഘത്തിനു മാവോയിസ്റ്റ് ബന്ധമുള്ളതായി പോലീസ്. മാവോയിസ്റ്റ് ആശയ പ്രചാരണമാണ് ഞാറ്റുവേല പ്രവര്‍ത്തകര്‍ ലക്ഷ്യമിടുന്നതെന്നാണ് പോലീസ് സംശയിക്കുന്നത്.
വയനാട്ടിലും മറ്റിടങ്ങളിലും മാവോയിസ്റ്റ് അനുകൂല പോസ്റ്ററുകള്‍ പതിച്ചതില്‍ ഇവര്‍ക്ക് പങ്കുള്ളതായി സംശയിക്കുന്നു. എന്നാല്‍ മാവോയിസ്റ്റ് ബന്ധം വ്യക്തമാകുന്ന രീതിയിലുള്ള തെളിവുകള്‍ ലഭിക്കാത്തതിനാല്‍ കൂടുതല്‍ നടപടികളിലേക്ക് കടക്കാന്‍ സാധിക്കില്ലെന്നും പോലീസ് അറിയിച്ചു. സംഘാംഗങ്ങളുടെ ഫോണ്‍ വിവരങ്ങള്‍ പോലീസ് പരിശോധിച്ച് വരുകയാണ്.
കെട്ടുതാലി ചുട്ടെരിച്ച് ചുംബനത്തെരുവ് സമരം നടത്താനെത്തിയ ഞാറ്റുവേല സംഘത്തെ ഹനുമാന്‍സേനക്കാര്‍ തടഞ്ഞിരുന്നു. ഇതേതുടര്‍ന്നു ഏറ്റുമുട്ടിയ ഇരുവിഭാഗക്കാരെയും പോലീസ് അറസ്റ്റ് ചെയ്തു നീക്കുകയായിരുന്നു.
Post Your Comments