കൊച്ചി: പെരുമ്പാവൂരില്‍ റേഷന്‍ കടയില്‍ നിന്ന് വാങ്ങിയ സപ്ലൈകോയുടെ ആട്ടപ്പൊടിയില്‍ നിന്നും ലഭിച്ചത് കളിത്തോക്ക്. മുടിക്കല്‍ സ്വദേശി സൗദയ്ക്കാണ് ആ അനുഭവമുണ്ടായത്.
ഭക്ഷണം പാകം ചെയ്യുന്നതിനായി പാക്കറ്റ് പൊട്ടിച്ചപ്പോഴാണ് ആട്ടപ്പൊടിയില്‍ പൊതിയപ്പെട്ട നിലയിലുള്ള തോക്ക് ലഭിച്ചത്. പെരുമ്പാവൂരിലെ മുടിക്കലിലെ എ.ആര്‍.ഡി 36-ാം നമ്പര്‍ റേഷന്‍ കടയില്‍ നിന്നാണ് കഴിഞ്ഞദിവസം ഒരോ കിലോ തൂക്കം വരുന്ന രണ്ട് പാക്കറ്റ് ആട്ട സൗദ വാങ്ങിയത്. ഇന്ന് രാവിലെ ഇതിലൊന്ന് പൊട്ടിച്ചപ്പോഴാണ് കളിത്തോക്ക് കണ്ടെത്തിയത്.
സപ്ലൈകോയുടെ ആട്ടപ്പൊടിയില്‍ നിന്നും മുടി പോലുള്ള വസ്തുക്കള്‍ ലഭിച്ചിട്ടുണ്ടെന്നും ഇത് സംബന്ധിച്ച് അധികൃതര്‍ക്ക് രേഖാമൂലം പരാതി നല്‍കുമെന്നും അവര്‍ പ്രതികരിച്ചു.
Post Your Comments