പാ​കി​സ്​​താ​ന്‍ സ്വദേശിയു​ടെ ഇ​ന്ത്യ​ക്കാരി ഭാ​ര്യ​യു​ടെ മരണം; നിയമ പോരാട്ടത്തിനൊടുവിൽ അടക്കം

അ​ബ​ഹ: പാ​കി​സ്​​താ​ന്‍ സ്വദേശിയു​ടെ ഇ​ന്ത്യ​ക്കാരി ഭാ​ര്യ​യു​ടെ മൃ​ത​ദേ​ഹം ഖ​മീ​സ് മു​ശൈ​ത്തി​ല്‍ ഖ​ബ​റ​ട​ക്കി. ഹൈ​ദ​രാ​ബാ​ദ് സ്വ​ദേ​ശി താ​ഹി​റ​യു​ടെ (57) മൃ​ത​ദേ​ഹ​മാ​ണ്​ മ​റ​വു ചെ​യ്​​ത​ത്. ഹൈ​ദ​രാ​ബാ​ദ് സ്വ​ദേ​ശി​ക​ളാ​യ മു​ഹ​മ്മ​ദ​ലി, മെ​ഹ​ബൂ​ബി​യ ദ​മ്പ​തി​ക​ളു​ടെ മ​ക​ളും പാ​കി​സ്​​താ​നി സ്വ​ദേ​ശി മു​നീ​ര്‍ ഹു​സൈ​ന്റെ ഭാ​ര്യ​യു​മാ​യി​രു​ന്നു മ​രി​ച്ച താ​ഹി​റ. ഹൃ​ദ​യാ​ഘാ​തത്തെ തുടർന്നാണ് മരണം സംഭവിച്ചത്.

Read Also: മരണത്തില്‍ മനംനൊന്ത് 21കാരി ജീവനൊടുക്കി; നായയുടെ മൃതദേഹത്തിനൊപ്പം സംസ്‌കരിക്കണമെന്ന് കുറിപ്പ്

എന്നാൽ ഇ​വ​ര്‍ ആ​ദ്യം ഖ​മീ​സി​ന​ടു​ത്തു​ള്ള അ​ഹ​ദ് റു​ഫൈ​ദ പ്ര​ദേ​ശ​ത്തു​ള്ള ഒ​രു സൗ​ദി പൗ​രന്റെ ഭാ​ര്യ​യാ​യി​രു​ന്നു. താ​ഹി​റ ഇ​ന്ത്യ​ക്കാ​രി​യും ആ​ദ്യ ഭ​ര്‍​ത്താ​വ് സൗ​ദി പൗ​ര​നും നി​ല​വി​ലെ ഭ​ര്‍​ത്താ​വ് പാ​കി​സ്​​താ​നി​യും ആ​യ​തി​നാ​ല്‍ ഖ​ബ​റ​ട​ക്ക ന​ട​പ​ടി​ക്ര​മ​ങ്ങ​ള്‍​ക്ക് പ​ല​വി​ധ നി​യ​മ​പ്ര​ശ്​​ന​ങ്ങ​ള്‍ ഉ​ണ്ടാ​യി​രു​ന്ന​തി​നാ​ല്‍ കാ​ല​താ​മ​സം നേ​രി​ട്ടു. ഇ​തോ​ടെ ഭ​ര്‍​ത്താ​വ്​ മു​നീ​ര്‍ ഹു​സൈ​ന്‍ ഇ​ന്ത്യ​ന്‍ സോ​ഷ്യ​ല്‍ ഫോ​റം പ്ര​വ​ര്‍​ത്ത​ക​രു​ടെ സ​ഹാ​യം തേ​ടു​ക​യാ​യി​രു​ന്നു.

ഫോ​റം ബ്ലോ​ക്ക് സെ​ക്ര​ട്ട​റി മി​ഹ്റു​ദ്ദീ​ന്‍ പോ​ങ്ങ​നാ​ടിന്റെ നേ​തൃ​ത്വ​ത്തി​ല്‍ സം​ഘം ഇ​ട​പെ​ട്ട് അ​സീ​റി​ലെ സാ​മൂ​ഹി​ക പ്ര​വ​ര്‍​ത്ത​ക​നും സി.​സി.​ഡ​ബ്ല്യൂ.​എ അം​ഗ​വു​മാ​യ ഹ​നീ​ഫ്‌ മ​ഞ്ചേ​ശ്വ​ര​ത്തി‍െന്‍റ സ​ഹാ​യ​ത്തോ​ടെ തു​ട​ര്‍​ന​ട​പ​ടി​ക​ള്‍ പൂ​ര്‍​ത്തി​യാ​ക്കി അ​ഹ​ദ് റു​ഫൈ​ദ മ​ഖ്ബ​റ​യി​ല്‍ ഖ​ബ​റ​ട​ക്കു​ക​യാ​യി​രു​ന്നു.