കറുത്ത വർഗക്കാരനെ പോലീസ് വെടിയുതിർത്ത സംഭവം : അ​മേ​രി​ക്ക​യി​ലെ​ങ്ങും വ​ൻ പ്ര​തി​ഷേ​ധം,

വാ​ഷിം​ഗ്ട​ണ്‍ ഡി​സി : കറുത്ത വർഗക്കാരനെതിരെ പോലീസ് വെടിയുതിർത്ത ദൃശ്യങ്ങൾ പ്രചരിച്ചതോടെ അമേരിക്കയിൽ പ്രതിഷേധം ശക്തമാകുന്നു. കെ​നോ​ഷ​യി​ലെ തെ​രു​വു​ക​ൾ ക​ലാ​പ​സ​മാ​ന​മാ​ണെന്നും, വി​സ്്കോ​ൻ​സി​നി​ൽ ​വ​ർ​ണ​ർ ടോ​ണി എ​വേ​ഴ്സ് അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചുവെന്നുള്ള റിപ്പോർട്ടുകളാണ് പുറത്തു വരുന്നത്. കെ​നോ​ഷ​യി​ൽ സു​ര​ക്ഷ സേ​ന​യെ ഉ​ൾ​പ്പെ​ടെയുള്ളവരെ വി​ന്യ​സി​ച്ചെ​ങ്കി​ലും അ​തെ​ല്ലാം അ​വ​ഗ​ണി​ച്ച് . നീ​തി​യും സ​മാ​ധാ​ന​വു​മി​ല്ല, ബ്ലാ​ക്ക്സ് ലൈ​വ്സ് മാ​റ്റ​ർ എ​ന്നീ മു​ദ്രാ​വാ​ക്യ​ങ്ങ​ൾ മു​ഴ​ക്കി ജ​നം തെ​രു​വി​ലി​റ​ങ്ങി​. പോ​ലീ​സി​നു​നേ​രെ​യും ആ​ക്ര​മ​മ​ണ​മു​ണ്ടാ​യി. പോ​ലീ​സ് വാ​ഹ​ന​ങ്ങ​ളു​ടെ ചി​ല്ലു​ക​ൾ ത​ക​ർ​ത്തു. പ്ര​തി​ഷേ​ധ​ക്കാ​രെ ത​ട​യാ​ൻ റോ​ഡി​നു കു​റു​കെ​യി​ട്ടി​രു​ന്ന ട്ര​ക്കു​ക​ൾ ഉ​ൾ​പ്പെ​ടെ തീ​യി​ട്ടു. നി​ര​വ​ധി ക​ട​ക​ൾ ആക്രമിച്ചതായ റിപ്പോർട്ടുകളും പുറത്തു വരുന്നു.

​വിസ്കൊ​ണ്‍​സി​നി​ലെ കെ​നോ​ഷ​യിൽ ജേ​ക്ക​ബ് ബ്ലേ​യ്ക്ക് (29) എ​ന്ന യു​വാവിനെ മ​ക്ക​ളു​ടെ മു​ന്നി​ൽ​വെ​ച്ച് എ​ട്ടു ത​വ​ണ വെ​ടിവക്കുകയായിരുന്നു. മെ​യ് 25ന് ​ക​റു​ത്ത വ​ർ​ഗ​ക്കാ​ര​നാ​യ ജോ​ർ​ജ് ഫ്ളോ​യി​ഡി​നെ ക​ഴു​ത്തി​ൽ കാ​ൽ​മു​ട്ടു​കൊ​ണ്ട് അ​മ​ർ​ത്തി പോ​ലീ​സ് ശ്വാ​സം മു​ട്ടി​ച്ച് കൊ​ല​പ്പെ​ടു​ത്തി​യി​രു​ന്നു. ഇ​തി​ന്‍റെ പ്ര​തി​ഷേ​ധം കെ​ട്ട​ട​ങ്ങും മു​ന്പേ​യാ​ണ് ബ്ലേ​യ്ക്കി​നെ​തിരെ ആ​ക്ര​മ​ണമുണ്ടായത്. ​

ര​ണ്ട് സ്ത്രീ​ക​ൾ ത​മ്മി​ലു​ണ്ടാ​യ ത​ർ​ക്ക​ത്തി​ൽ ബ്ലേ​യ്ക്ക് ഇ​ട​പ്പെ​ട്ടി​രു​ന്നു. ആ​രോ വി​ളി​ച്ച​റി​യി​ച്ച​തി​നെ​ത്തു​ട​ർ​ന്ന് പോ​ലീസ് സ്ഥലത്തെത്തി ബ്ലേ​യ്ക്കി​നോ​ടു കീ​ഴ​ട​ങ്ങാ​ൻ ആ​വ​ശ്യ​പ്പെ​ട്ടു. എ​ന്നാ​ൽ, ബ്ലേ​യ്ക്ക് ത​ന്‍റെ കാ​റി​ലേ​ക്ക് ക​യ​റാ​ൻ തു​ട​ങ്ങി. ഇ​തോ​ടെ പോ​ലീ​സ് പു​റ​കി​ൽ​നി​ന്നും വെ​ടി​യു​തി​ർ​ക്കു​ക​യാ​യി​രു​ന്നു​വെ​ന്നാ​ണ് റിപ്പോർട്ട്. അ​ര​യ്ക്കു​കീ​ഴെ ത​ള​ർ​ന്ന ബ്ലേ​യ്ക്ക് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. മൂ​ന്ന് മ​ക്ക​ളും കാ​റി​ൽ ഇ​രി​ക്കു​ന്പോ​ഴാ​യി​രു​ന്നു പോ​ലീ​സി​ന്‍റെ വെ​ടി​വെ​പ്പെ​ന്ന് ബ്ലെ​യ്ക്കി​ന്‍റെ അ​ഭി​ഭാ​ഷ​ക​ൻ വ്യ​ക്ത​മാ​ക്കി. സം​ഭ​വ​ത്തി​ന്‍റെ ഗ്രാ​ഫി​ക് ദൃ​ശ്യ​ങ്ങ​ൾ സ​മൂ​ഹ​മാ​ധ്യ​ങ്ങ​ളി​ലടക്കം പ്ര​ച​രി​ക്കു​ന്നു​ണ്ട്. വ​ഴി​യ​രി​കി​ൽ നി​ർ​ത്തി​യി​ട്ടി​രു​ന്ന വാ​ഹ​ന​ത്തി​നു ചു​റ്റു​മാ​യി മൂ​ന്ന് പൊ​ലീ​സ് ഉ​ദ്യോ​ഗ​സ്ഥ​ർ ന​ട​ക്കു​ന്ന​തും ബ്ലേ​യ്ക്കി​നു​നേ​രെ ആ​യു​ധം ചൂ​ണ്ടു​ന്ന​തും ദൃ​ശ്യ​ങ്ങ​ളി​ൽ കാണാൻ സാധിക്കും.