ഗുരുവായൂർ ക്ഷേത്രത്തിൽ ദർശന നിയന്ത്രണം

ഗുരുവായൂര്‍: മണ്ഡലശുദ്ധി നടക്കുന്നതിനാൽ ഗുരുവായൂർ ക്ഷേത്രത്തിൽ ഇന്ന് സന്ധ്യയ്ക്ക് ആറര മുതല്‍ രാത്രി ഒന്‍പതുവരെ ദർശന നിയന്ത്രണം. ഈ സമയത്ത് ഭക്തര്‍ക്ക് നാലമ്പലത്തിലേക്ക് പ്രവേശനമില്ല. ഞായറാഴ്ച വൃശ്ചികം ഒന്നിന് പന്തീരടി പൂജയ്ക്ക് ശേഷം 25 കലശാഭിഷേകവും പഞ്ചഗവ്യാഭിഷേകവും തന്ത്രി നിര്‍വഹിക്കും. മണ്ഡലം 40 ആം ദിവസം പഞ്ചഗവ്യാഭിഷേകവും 41ന് കളകാഭിഷേകവുമാണ്. ഞായാറാഴ്ച മുതൽ 30 ദിവസം രാവിലത്തെ ശീവേലിക്ക് വിശേഷവാദ്യങ്ങളോടെ അഞ്ച് പ്രദക്ഷിണവും നടത്തും.