റിസോഴ്‌സ് അധ്യാപക ഒഴിവ്

സമഗ്ര ശിക്ഷാ തിരുവനന്തപുരം ജില്ലയിലെ വിവിധ ബി ആർ സികളിൽ നിലവിലുള്ള ഐ.ഇ.ഡി.സി എലിമെന്ററി, സെക്കൻഡറി റിസോഴ്‌സ് അധ്യാപകരുടെ ഒഴിവുകളിൽ ദിവസ വേതനാടിസ്ഥാനത്തിൽ നിയമനം നടത്തുന്നു. ബിരുദവും സ്‌പെഷ്യൽ എഡ്യൂക്കേഷണൽ ബി.എഡും അല്ലെങ്കിൽ ജനറൽ ബി.എഡും സ്‌പെഷ്യൽ എഡ്യൂക്കേഷണൽ ഡിപ്ലോമയുമാണ് സെക്കൻഡറി വിഭാഗത്തിന്റെ യോഗ്യത. എലിമെന്ററി വിഭാഗത്തിൽ പ്ലസ്ടുവും സ്‌പെഷ്യൽ എഡ്യൂക്കേഷണൽ ഡിപ്ലോമയും ഉള്ളവരെ പരിഗണിക്കും.
ഒക്‌ടോബർ 26ന് രാവിലെ 10.30ന് എസ്.എസ്.കെ തിരുവനന്തപുരം ജില്ലാ ഓഫീസിൽ കൂടിക്കാഴ്ച നടത്തും. ഉദ്യോഗാർത്ഥികൾ അസൽ സർട്ടിഫിക്കറ്റുകളും പകർപ്പുകളും സഹിതം എസ്.എസ്.കെ തിരുവനന്തപുരം ജില്ലാ ഓഫീസിൽ എത്തണം. ഫോൺ: 0471-24555 91/90.

കണ്ണൂര്‍ ജില്ലയിലെ സമഗ്ര ശിക്ഷാ കേരളത്തിനു കീഴിലുള്ള ബി ആര്‍ സി കളില്‍ റിസോഴ്‌സ് അധ്യാപകരെ ദിവസവേതനാടിസ്ഥാനത്തില്‍ നിയമിക്കുന്നു. യോഗ്യത: പ്ലസ്ടു, അംഗീകൃത റഗുലര്‍ ഡിപ്ലോമ ഇന്‍ സ്‌പെഷ്യല്‍ എഡ്യുക്കേഷന്‍ (ആര്‍ സി ഐ അംഗീകൃതം)/ഡിഗ്രി, ബി എഡ് ഇന്‍ സ്‌പെഷ്യല്‍ എഡ്യുക്കേഷന്‍. താല്‍പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റുകള്‍ സഹിതം ഒക്‌ടോബര്‍ 21 ന് രാവിലെ 10 മണിക്ക് ജില്ലാ പ്രൊജക്ട് ഓഫീസില്‍ നടത്തുന്ന കൂടിക്കാഴ്ചയില്‍ പങ്കെടുക്കണം. ഫോണ്‍: 0497 2707993.