ബ്രസീല്‍ താരം മെമോ അടുത്ത ഒരു വര്‍ഷം കൂടി ജംഷദ്പൂരില്‍ തന്നെ തുടരും. മെമോ അടുത്ത ഒരു വര്‍ഷം കൂടെ ടാറ്റ ജംഷദ്പൂര്‍ എഫ് സിയില്‍ കളിക്കാന്‍ കരാര്‍ ഒപ്പിട്ടു. മിഡ്ഫീല്‍ഡറായ മെമോ അവസാന രണ്ടു സീസണിലും ജംഷദ്പൂരിന്റെ പ്രധാന താരമായിരുന്നു. ഈ സീസണില്‍ 18 ഐ എസ് എല്‍ മത്സരങ്ങളിലും കളിച്ച താരമാണ്.
രണ്ട് സീസണുകളിലായി ജംഷദ്പൂരുനായി 36 മത്സരങ്ങളാണ് താരം കളിച്ചത്. 2016ല്‍ ഡെല്‍ഹി ഡൈനാമോസിന്റെ ജേഴ്‌സിയിലാണ് ആദ്യം മെമോ ഇന്ത്യയില്‍ എത്തിയത്. ഡല്‍ഹിക്കായി 10 മത്സരങ്ങള്‍ മെമോ കളിച്ചിട്ടുണ്ട്. ജംഷദ്പൂരിനായി ഈ സീസണില്‍ രണ്ട് ഗോളുകളും ഒരു അസിസ്റ്റും മെമോ നേടി. ഭുവനേശ്വറില്‍ ഇപ്പോള്‍ സൂപ്പര്‍ കപ്പിനായുള്ള ഒരുക്കത്തിലാണ് ജംഷദ്പൂര്‍.
Post Your Comments