നടി ഗൗതമി നായരുടെ ചിത്രത്തിന് പേരിട്ടു

നടി ഗൗതമി നായര്‍ സംവിധാനം ചെയ്യുന്ന ചിത്രത്തിന് പേരിട്ടു. വൃത്തം എന്നാണ് ചിത്രത്തിന്റെ പേര്. സണ്ണി വെയ്ന്‍, അനൂപ് മേനോന്‍, ദുര്‍ഗ കൃഷ്ണ അഹാന കൃഷ്ണന്‍ എന്നിവരാണ് കേന്ദ്ര കഥാപാത്രങ്ങളായെത്തുന്നത്. സിനിമയുടെ ഷൂട്ടിങ് കഴിഞ്ഞ ദിവസം തലസ്ഥാനത്ത് ആരംഭിച്ചിരുന്നു. ദുല്‍ഖര്‍ സല്‍മാന്റെ ആദ്യ ചിത്രമായ ‘സെക്കന്‍ഡ് ഷോ’യിലൂടെ അരങ്ങേറ്റം കുറിച്ച ഗൗതമി ആദ്യമായി സംവിധാനം ചെയ്യുന്ന ചിത്രമാണ് ഇത്. സെക്കന്‍ഡ് ഷോയുടെ സംവിധായകനായ ശ്രീനാഥ് രാജേന്ദ്രനെയാണ് ഗൗതമി വിവാഹം കഴിച്ചത്. അസേമയം വൃത്തത്തിനായി കെ എസ് അരവിന്ദ്, ഡാനിയേല്‍ സായൂജ് നായര്‍ എന്നിവര്‍ ചേര്‍ന്നാണ് തിരക്കഥയൊരുക്കുന്നത്. ചിത്രത്തില്‍ നടന്‍ സൈജു കുറുപ്പും പ്രധാന കഥാപാത്രത്തെ അവതരിപ്പിക്കുന്നുണ്ട്.