എക്സ്ട്ര ടൈംമിലൂടെ കൊമ്പന്മാരെ വീഴ്ത്തി നോർത്ത് ഈസ്റ്റ് യുണൈറ്റഡ്

ഗുവാഹത്തി: എക്സ്ട്ര ടൈംമിലൂടെ കൊമ്പന്മാരെ വീഴ്ത്തി നോർത്ത് ഈസ്റ്റ് യുണൈറ്റഡ്. ഒന്നിനെതിരെ രണ്ടു ഗോളുകൾക്കാണ് ബ്ലാസ്റ്റേഴ്സ്റ്റിനെ നോർത്ത് ഈസ്റ്റ് യുണൈറ്റഡ് പരാജയപ്പെടുത്തിയത്. ആദ്യ പകുതിയിലെ ആവേശം നിറഞ്ഞ  പോരാട്ടത്തിൽ ഇരുടീമുകളും ഗോൾ ഒന്നും നേടിയില്ല.

രണ്ടാം പകുതിയിലേക്ക് കടന്നപ്പോൾ 73–ാം മിനിറ്റിൽ മാതേയ് പൊപ്ലാട്നിക്കിന്റെ ഗോളിലൂടെ മഞ്ഞപ്പട മുന്നിലെത്തി. കളി അവസാനിക്കാൻ ഇരിക്കെ 90+3 മിനിറ്റിൽ (പെനാൽറ്റി) ഒഗ്ബച, 90+6 മിനിറ്റിൽ ജുവാൻ ക്രൂസ് മാസ്കിയ എന്നിവരുടെ ഗോളിലൂടെ നോർത്ത് ഈസ്റ്റ് ജയം ഉറപ്പിച്ചു. തുടർച്ചയായ മൂന്നാം തവണയാണ് ബാസ്റ്റേഴ്സ് തോൽവി ഏറ്റു വാങ്ങുന്നത്. ഈ ജയത്തോടെ നോര്‍ത്ത് ഈസ്റ്റ് യുണൈറ്റഡ് പട്ടികയിൽ മൂന്നാം സ്ഥാനം സ്വന്തമാക്കി. കേരളം ഏഴാം സ്ഥാനത്ത് തന്നെ നില്‍ക്കുകയാണ്