പരമോന്നത നീതി പീഠത്തേക്കാള്‍ വിശ്വാസം അയ്യപ്പന്‍ എന്ന നീതിപീഠത്തെ: അശ്വതി ജ്വാല

തിരുവനന്തപുരം: ശബരിമലയില്‍ സ്ത്രീപ്രവേശനം അനുവദിച്ച സുപ്രീം കോടതി വിധി വിശ്വാസികളുടെ മുഖത്തടിച്ച വിധിയാണെന്ന് സാമൂഹ്യപ്രവര്‍ത്തക അശ്വതി ജ്വാല പ്രതികരിച്ചു. അതീവ ദുഖകരം. എന്നാലും പറഞ്ഞു കൊള്ളട്ടെ അതുക്കും മേലെയാണ് വിശ്വാസം. പരമോന്നത നീതി പീഠത്തേക്കാള്‍ വിശ്വാസം അയ്യപ്പന്‍ എന്ന നീതിപീഠത്തെയാണെന്നും അശ്വതി പ്രതികരിച്ചു.

https://www.facebook.com/achu.nair.908/posts/1130811453734204

അതേസമയം സുപ്രീം കോടതി വിധി ദൈവം തന്ന വിധിയെന്ന് കര്‍ണാടക വനിതാക്ഷേമ മന്ത്രി ജയമാല പ്രതികരിച്ചു. കോടതിയില്‍ വിശ്വാസമുണ്ടായിരുന്നെന്നും, ശബരിമലയില്‍ സ്ത്രീകള്‍ക്ക് പ്രവേശനാനുമതി കിട്ടിയതില്‍ ഏറെ സന്തോഷമുണ്ടെന്നും ജയമാല പറഞ്ഞു. ശബരിമലയില്‍ ദര്‍ശനം നടത്തിയെന്ന് ജയമാല അവകാശപ്പെട്ടത് മുന്‍പ് വന്‍ വിവാദമുണ്ടാക്കിയിരുന്നു.