ഓണത്തിന് എത്തേണ്ട മെഗാസ്റ്റാർ ചിത്രമായിരുന്നു കുട്ടനാടൻ ബ്ലോഗ്. പക്ഷെ പ്രളയം കാരണം ചിത്രത്തിന്റെ റിലീസ് മാറ്റി വച്ചിരുന്നു. പക്ഷെ ഇപ്പോൾ ആരാധകർക്ക് സന്തോഷവുമായി മമ്മൂട്ടിയുടെ തെലുങ്കു ചിത്രം യാത്ര എത്തുകയാണ്.
ഈ ആഴ്ച മമ്മൂട്ടിയുടെ പിറന്നാൾ കൂടി ആയതിനാൽ ഒരു സമ്മാനവുമായി ആണ് യാത്രയുടെ അണിയറ പ്രവർത്തകർ എത്തിയത്. മമ്മുക്കയുടെ പുതിയ പോസ്റ്ററും ഗാനവും ആണ് അവർ പുറത്തു വിട്ടത്. അതേസമയം പിറന്നാൾ ദിവസം ആരാധകർക്ക് മമ്മൂട്ടിയിൽ നിന്നും ഒരു സർപ്രൈസ് ഉണ്ടാകും എന്നാണ് അറിയുന്നത്.
യാത്ര എന്ന തെലുങ്കു ചിത്രത്തിൽ വൈഎസ്ആർ ആയിട്ടാണ് അദ്ദേഹം അഭിനയിക്കുന്നത്. ആന്ധ്രാപ്രദേശിന്റെ മുന്‍ മുഖ്യമന്ത്രി വൈഎസ്ആര്‍ റെഡ്ഡിയുടെ ജീവിതകഥ പറയുന്ന സിനിമയിലൂടെയാണ് വര്‍ഷങ്ങള്‍ക്ക് ശേഷം മമ്മൂട്ടി തെലുങ്കില്‍ അഭിനയിക്കുന്നത്. ചിത്രം പൂർത്തിയായിക്കൊണ്ടിരിക്കുന്നു.
2004 അസംബ്ലി തിരഞ്ഞെടുപ്പില്‍ കോണ്‍ഗ്രസിനെ അധികാരത്തിലെത്തിച്ച വൈഎസ്ആറിന്റെ 147 കിലോമീറ്റര്‍ പദയാത്ര ഇതിവൃത്തമാക്കി സിനിമ നിര്‍മ്മിക്കുന്നത്. ചിത്രത്തിൽ കാർത്തിയാണ് മമ്മൂട്ടിയുടെ മകനായി അഭിനയിക്കുന്നത്. വൻ താരനിര തന്നെ ചിത്രത്തിലുണ്ട്. ചിത്രം തെലുങ്കിൽ വമ്പൻ ഹിറ്റ് ആകും എന്നതിൽ യാതൊരു സംശയവും ഇല്ല.
Post Your Comments