ധനുഷ് നായകൻ ആയി 2015ൽ പുറത്തിറങ്ങിയ ചിത്രം ആയിരുന്നു മാരി. ബാലാജി മോഹൻ സംവിധാനം ചെയ്ത ചിത്രത്തിലെ മാരി എന്ന കഥാപാത്രം വലിയ ഓളം സൃഷ്ടിച്ചിരുന്നു. ഇപ്പോൾ പുറത്തു വരുന്ന വിവരങ്ങൾ അനുസരിച് ചിത്രത്തിന്റെ രണ്ടാം ഭാഗം ചിത്രീകരണം പൂർത്തിയായിരിക്കുകയാണ്. ബാലാജി മോഹൻ തന്നെയാണ് രണ്ടാം ഭാഗത്തിന്റെയും സംവിധായകൻ. രണ്ടാം ഭാഗത്തിൽ വില്ലന്റെ വേഷത്തിൽ എത്തുന്നത് മലയാളികളുടെ പ്രിയങ്കരനായ ടോവിനോ തോമസ് ആണ്. ആദ്യ ഭാഗത്തിൽ മലയാളികളുടെ പ്രിയ ഗായകൻ വിജയ് യേശുദാസ് ആയിരുന്നു വില്ലൻ വേഷത്തിൽ എത്തിയത്.
ഉണ്ണിമുകുന്ദന്റെ സ്റ്റൈൽ, എബിസിഡി എന്നി ചിത്രങ്ങൾക്ക് ശേഷം ടോവിനോ വില്ലൻ വേഷത്തിൽ എത്തുന്ന ചിത്രം മാരി 2. ധനുഷിന്റെ നായികയായിയെത്തുന്നത് സായ് പല്ലവിയാണ്, ചിത്രത്തില്‍ ഓട്ടോ ഓടിക്കുന്ന യുവതിയായാണ് താരം വേഷമിടുന്നത് എന്ന് സൂചനയുണ്ട്. ബാലാജി മോഹന്‍ തന്നെയാണ് ചിത്രത്തിന് വേണ്ടി തിരക്കഥ എഴുതിയിരിക്കുന്നത്. ആദ്യ ഭാഗത്തിൽ കാജൽ അഗർവാൾ ആയിരുന്നു നായികാ വേഷത്തിൽ.
Post Your Comments