കൊല്ലം: കിടക്കയില്‍ മൂത്രമൊഴിച്ച രണ്ടാംക്ലാസ്സുകാരിയോട് രണ്ടാനമ്മയുടെ കൊടും ക്രൂരത. കുഞ്ഞിന്റെ ശരീരമാസകലം ചട്ടുകം ഉപയോഗിച്ച്‌ പൊള്ളലേല്‍പ്പിക്കുകയായിരുന്നു. കൊല്ലം തഴവയിലാണ് സംഭവം. ഒരാഴ്ച്ചയായി സ്‌കൂളില്‍ എത്താതിരുന്ന കുട്ടി കഴിഞ്ഞ ദിവസം സ്‌കൂളില്‍ എത്തി. അസ്വസ്ഥ പ്രകടിപ്പിച്ചതൊടെ കുട്ടിയോടെ ആധ്യാപകര്‍ കാര്യങ്ങള്‍ അന്വേഷിച്ചപ്പോഴാണ് പീഡനവിവരം പുറത്ത് അറിഞ്ഞത്. കുട്ടിയുടെ ശരീരത്തിലും രഹസ്യഭാഗങ്ങളിലുമടക്കം രണ്ടാനമ്മ പൊള്ളലേല്‍പ്പിച്ചിരുന്നു.
ALSO READ: മകനെ രണ്ടാനമ്മയുമായി ലൈംഗികബന്ധത്തിന് പ്രേരിപ്പിച്ച് പിതാവ്; പിന്നീട് നടന്നത്
കുട്ടിയുടെ പിതാവിന്റെ അറിവോടെയായിരുന്നു പീഡനം. സ്‌കൂള്‍ അധികൃതര്‍ എഇഒയെ വിവരമറിയിക്കുകയും, ചൈല്‍ഡ് ലൈനുമായി ബന്ധപ്പെട്ട ശേഷം പൊലീസില്‍ അറിയിക്കുകയുമായിരുന്നു. കുട്ടിയുടെ രണ്ടാനമ്മയേയും പിതാവിനേയും കരുനാഗപ്പള്ളി പൊലീസ് കസ്റ്റഡിയില്‍ എടുത്തു. രണ്ടാനമ്മയുടെ നിരന്തര പീഡനംമൂലം ഡ്രൈവറായ പിതാവ് കുട്ടിയെ പലപ്പോഴും ജോലിയ്ക്ക് പോകുമ്പോള്‍ കൂടെ കൂട്ടാറുണ്ടെന്നും പറയപ്പെടുന്നു. കുട്ടി കരുനാഗപ്പള്ളി താലൂക്ക് ആശുപത്രിയില്‍ ചികിത്സയിലാണ്.
Post Your Comments