ജഡ്​ജിമാരുടെ വിരമിക്കല്‍ പ്രായം കേന്ദ്രസര്‍ക്കാര്‍ ഉയർത്തുന്നു

ന്യൂഡല്‍ഹി: ജഡ്​ജിമാരുടെ വിരമിക്കല്‍ പ്രായം കേന്ദ്രസര്‍ക്കാര്‍ ഉയർത്തുന്നു.
സുപ്രീംകോടതി ഹൈക്കോടതി ജഡ്​ജിമാരുടെ വിരമിക്കൽ പ്രായ പരിധിയാണ് വർദ്ധിപ്പിക്കുന്നത്. സുപ്രീംകോടതി വിരമിക്കല്‍ പ്രായം 65 വയസില്‍ നിന്നും 67 ആയും ഹൈക്കോടതിയിലേത്​ 62ല്‍ നിന്നും 64 ആയും ഉയര്‍ത്താനാണ്​ സര്‍ക്കാര്‍ നീക്കം.

വിരമിക്കല്‍ പ്രായം ഉയര്‍ത്തുന്നതിന്​ ഭരണഘടന ഭേദഗതി ആവശ്യമാണ്​. ബുധനാഴ്​ച തുടങ്ങുന്ന പാര്‍ലമെന്റിന്റെ വര്‍ഷകാല സമ്മേളനത്തില്‍ ഇതുസംബന്ധിച്ച ബില്‍ കൊണ്ടു വരാനുള്ള നീക്കമാണ്​ കേ​ന്ദ്രസര്‍ക്കാര്‍ നടത്തുന്നത്​. കോടതികളില്‍ കേസുകളിൽ കെട്ടിക്കിടക്കുന്ന സാഹചര്യത്തിലാണ് പുതിയ തീരുമാനം. ഭാവിയില്‍ വരാന്‍ സാധ്യതയുള്ള ഒഴിവുകള്‍ കൂടി മുന്നില്‍കണ്ട്​ വേണം നിയമനം നടത്തേണ്ടതെന്നും സ്​റ്റാന്‍ഡിങ്​ കമ്മിറ്റി വ്യക്​തമാക്കിയിരുന്നു. ഇതിന്​ പിന്നാലെയാണ്​ പുതിയ നീക്കവുമായി കേന്ദ്രസര്‍ക്കാര്‍ രംഗത്തെത്തുന്നത്​.

Read also: കെട്ടിടങ്ങള്‍ തകര്‍ന്നുണ്ടായ അപകടം; മരണം മൂന്നായി

അലഹാബാദ്​(56), കര്‍ണാടക(38), കല്‍ക്കത്ത(39), പഞ്ചാബ്​-ഹരിയാന(35), തെലുങ്കാന-ആന്ധ്രപ്രദേശ്​(30), ബോംബെ(24) എന്നിങ്ങനെയാണ്​ വിവിധ ഹൈക്കോടതികളിലെ ജഡ്​ജിമാരുടെ ഒഴിവുകള്‍.