തിരുവനന്തപുരം: ‘കൊടും ഭീകരനും തീവ്രവാദിയുമായ അറക്കല്‍ അബു അറസ്റ്റില്‍’. ഞെട്ടെണ്ട ആടിലെ അറക്കല്‍ അബുവിന്റെ കാര്യം തന്നെയാണ് പറയുന്നത്. ട്രോളന്‍ അഭു എന്ന പേരില്‍ തുടങ്ങിയിരിക്കുന്ന ട്രോള്‍ പേജിലാണ് ഇത്തരം ഒരു രസകരമായ വീഡിയോ പ്രത്യക്ഷപ്പെട്ടിരിക്കുന്നത്. നിരവധി ആളുകള്‍ വീഡിയോ കാണുകയും ഷെയര്‍ ചെയ്യുകയും ചെയ്തിട്ടുണ്ട്.
also read: ഐഎസ് ഭീകരതയുടെ മറ്റൊരു ഞെട്ടിക്കുന്ന ദൃശ്യം കൂടി പുറത്ത്
മിഥുന്‍ മാനുവല്‍ തോമസ് സംവിധാനം ചെയ്ത ആട് ഒരു ഭീകര ജീവിയില്‍ പ്രേക്ഷകരുടെ ഇഷ്ട കഥാപാത്രമായിരുന്നു അറക്കല്‍ അബു. അബുവിനെ കൊടും ഭീകരവാദിയെന്ന പേരില്‍ എന്‍ഐഎ അറസ്റ്റ് ചെയ്യുന്നതും അതിനെ തുടര്‍ന്നുണ്ടാകുന്ന ചാനല്‍ ചര്‍ച്ചയിലൂടെയുമാണ് വീഡിയോ പുരോഗമിക്കുന്നത്. 4മിനിറ്റ് 28സെക്കന്റ് ദൈര്‍ഘ്യമുള്ള ഈ ട്രോള്‍ വീഡിയോ പ്രേക്ഷകരെ പൊട്ടിച്ചിരിപ്പിക്കുക മാത്രമല്ല, ചിന്തിപ്പിക്കുക കൂടി ചെയ്യും.
വെള്ളിത്തിരയില്‍ അറക്കല്‍ അബുവിന് ജീവന്‍ നല്‍കിയ സൈജു കുറുപ്പ് ഈ ട്രോള്‍ വീഡിയോ തന്റെ ഫേസ്ബുക്ക് പേജില്‍ ഷെയര്‍ ചെയ്യുകയും ചെയ്തിട്ടുണ്ട്. നടന്‍ ജയസൂര്യ, സംവിധായകന്‍ മിഥുന്‍ മാനുവല്‍ എന്നിവരെയടക്കം ടാഗ് ചെയ്തുകൊണ്ടാണ് സൈജു കുറുപ്പിന്റെ പോസ്റ്റ്.
Post Your Comments