ഇന്‍ഫിനിക്സ് ഹോട്ട് 4 പ്രോ സ്മാര്‍ട്ട്ഫോണ്‍ വിലക്കിഴിവില്‍

ഇന്‍ഫിനിക്സ് ഹോട്ട് 4 പ്രോ സ്മാര്‍ട്ട്ഫോണ്‍ വിലക്കിഴിവില്‍. 500 രൂപയുടെ വില കിഴിവാണ് 7,499 രൂപ പ്രൈസ് ടാഗില്‍ അവതരിച്ചിരിക്കുന്ന സ്മാര്‍ട്ട്ഫോണിന് ഏര്‍പ്പെടുത്തിയിരിക്കുന്നത്. നിലവില്‍ ഹോട്ട് 4 പ്രോ സ്മാര്‍ട്ട്ഫോണ്‍ 6,999 രൂപയ്ക്ക് സ്വന്തമാക്കാം.

ഈ സ്മാര്‍ട്ട്ഫോണിനു 5.5 ഇഞ്ച് എച്ച്‌ഡി ഡിസ്പ്ലെയാണ് ഉള്ളത്. ആന്‍ഡ്രോയിഡ് 6.0 മാര്‍ഷ്മാലോ, 1.3GHz ക്വാഡ്-കോര്‍ മീഡിയടെക് പ്രോസസര്‍, 3GB റാം, 16GB സ്റ്റോറേജ്, 13MP റിയര്‍ ക്യാമറ, 5MP ഫ്രണ്ട് ക്യാമറ, 4000mAh ബാറ്ററി എന്നിവയാണ് പ്രധാന ഫീച്ചറുകള്‍.

ഫ്ലിപ്പ്കാര്‍ട്ടിലാണ് ഈ സ്മാര്‍ട്ട്ഫോണിന്റെ വില്പന നടക്കുന്നത്. ഇതോടൊപ്പം കമ്പനി ഉപഭോക്താക്കള്‍ക്കായി 340 രൂപയുടെ ഇഎംഐ ഓപ്ഷനും 6,500 രൂപയുടെ എക്സ്ചേഞ്ച് ഓഫറും നല്‍കുന്നുണ്ട്. ഇതിനുപുറമെ ആക്സിസ് ബാങ്ക് ക്രെഡിറ്റ് കാര്‍ഡ് ഉടമകള്‍ക്ക് 5 ശതമാനം ഇളവും ലഭ്യമാക്കിയിട്ടുണ്ടന്നാണ് റിപ്പോര്‍ട്ട്.