പുതിയ സ്മാര്‍ട്ട്ഫോണുമായി സ്വയിപ് വിപണിയില്‍

കിടിലം ഫീച്ചേഴ്‌സുമായി പുതിയ സ്മാര്‍ട്ട്ഫോണുമായി സ്വയിപ് വിപണിയില്‍. കമ്പനി സ്വയിപ് ഇലൈറ്റ് 2 പ്ലസ് എന്ന സ്മാര്‍ട്ട്ഫോണുമായാണ് എത്തുന്നത്. 3,999 രൂപയാണ് ഓണ്‍ലൈന്‍ റീട്ടെയില്‍ ആയ സ്നാപ്ഡീലില്‍ മാത്രം ലഭ്യമാകുന്ന ഈ ഫോണിന്റെ വില. സ്വയിപ്പ് ഇലൈറ്റ് 2 പ്ലസ് ഫോണ്‍ ബ്ലാക്ക് നിറത്തില്‍ മാത്രമേ ലഭ്യമാകുകയുള്ളൂ.

ഈ ഫോണിനുള്ളത് അഞ്ച് ഇഞ്ച് VGA ഡിസ്പ്ലേയാണ്. ക്വാഡ്കോര്‍ പ്രോസസര്‍, ഒരു ജിബി റാം, മൈക്രോ എസ്ഡി കാര്‍ഡ് ഉപയോഗിച്ച്‌ 32ജിബി വരെ വര്‍ധിപ്പിക്കാന്‍ സാധിക്കുന്ന 8ജിബി ഇന്റേര്‍ണല്‍ സ്റ്റോറേജ്, 8എംപി റിയര്‍ ക്യാമറ, 5എംപി സെല്‍ഫി ക്യാമറ എന്നീ ഫീച്ചറുകള്‍ ഫോണിലുണ്ടായിരിക്കും.

ആന്‍ഡ്രോയിഡ് 6.0 മാര്‍ഷ്മലോയില്‍ പ്രവര്‍ത്തിക്കുന്ന ഈ ഫോണിൽ ഡ്യുവല്‍ സിം, 4ജി, ജിപിഎസ്, വൈഫൈ, ബ്ലൂട്ടൂത്ത് , 3000എംഎഎച്ച്‌ ബാറ്ററി എന്നീ ഫീച്ചറുകളുമുണ്ട്.