ബംഗളൂരു: ഐഎസ് ഭീകരരില്‍ നിന്നു മോചിതനായ ഫാ. ടോം ഉഴുന്നാലില്‍ ബംഗളൂരുവില്‍ എത്തി.ഡല്‍ഹിയില്‍ നിന്ന് ഇന്നു രാവിലെ 8.35നു ബംഗളൂരു വിമാനത്താവളത്തിലെത്തിയ ഫാ. ഉഴുന്നാലിനെ സലേഷ്യന്‍ അംഗങ്ങള്‍ ഹൃദ്യമായ വരവേല്‍പ്പ് നല്‍കി സ്വീകരിച്ചു.
കൂക്ക്ടൗണ്‍ മിൽട്ടണ്‍ സ്ട്രീറ്റിലുള്ള പ്രൊവിൻഷ്യൽ ഹൗസിലേക്കാണ് ഫാ. ടോം ആദ്യമെത്തുക. ഉച്ചയ്ക്ക് നടക്കുന്ന സി.ബി.സി.ഐ യോഗത്തിലെത്തി ബിഷപ്പുമാരെയും ഫാ. ടോം സന്ദര്‍ശിക്കും. ഇന്ന് വൈകിട്ട് 5.30നു മ്യൂസിയം റോഡിലെ ഗുഡ് ഷെപ്പേര്‍ഡ് ഓഡിറ്റോറിയത്തില്‍ കൃതജ്ഞതാ ബലിയുണ്ടാകും. ഇതില്‍ കര്‍ണാടക മുഖ്യമന്ത്രി സിദ്ധരാമയ്യയും മന്ത്രിമാരും പങ്കെടുക്കും.
നാളെയും അദ്ദേഹം ബംഗളൂരുവില്‍ വിവിധ പരിപാടികളില്‍ പങ്കെടുക്കും. ഇവിടെ വിവിധ പരിപാടികളില്‍ പങ്കെടുത്തതിന് ശേഷം ഞായാറാഴ്ച അദ്ദേഹം കേരളത്തിലെത്തും.
Post Your Comments