സ്വർണ്ണ തിളക്കത്തിൽ ഇന്ത്യ

ഭുവനേശ്വർ ; ഏഷ്യൻ അത്‍ലറ്റിക് മീറ്റിൽ ഏഴാം സ്വർണ്ണം സ്വന്തമാക്കി ഇന്ത്യ. 3,000 മീറ്റർ സ്റ്റീപ്പിൾ ചെയ്സിൽ സുധാ സിങ്ങാണ് ഇന്ത്യക്കായി ഏഴാം സ്വർണ്ണം സ്വന്തമാക്കിയത്. മന്‍പ്രീത് കൗര്‍ (ഷോട്പുട്ട്), ജി. ലക്ഷ്മണ്‍ (5000 മീറ്റര്‍), നിര്‍മല ഷിയോറാൻ (400 മീറ്റര്‍), മുഹമ്മദ് അനസ് (400 മീറ്റര്‍), അജയ്കുമാര്‍ സരോജ് (1500 മീറ്റര്‍), പി.യു. ചിത്ര (1500 മീറ്റര്‍), എന്നിവരും ഇന്ത്യക്കായി സ്വർണ്ണം നേടിയിരുന്നു. രണ്ടാംദിനം നടന്ന പത്തുഫൈനലുകളിൽ നാല് എണ്ണത്തിൽ ഇന്ത്യ സ്വർണം നേടി.