ന്യൂഡല്‍ഹി: പ്രധാനമന്ത്രി നരേന്ദ്രമോദിക്കെതിരെ എന്നും വിമര്‍ശനങ്ങളുന്നയിച്ച കോണ്‍ഗ്രസ് ഉപാധ്യക്ഷന്‍ രാഹുല്‍ഗാന്ധി ആദ്യമായി നല്ലൊരു കാര്യം പറഞ്ഞു. ഇന്ത്യന്‍ സൈനിക നീക്കത്തെക്കുറിച്ച് സംസാരിക്കുകയായിരുന്നു രാഹുല്‍. മോദി ചെയ്തത് നല്ലൊരു കാര്യം. രണ്ടര വര്‍ഷത്തിനിടെ ചെയ്ത ഏറ്റവും നല്ല കാര്യമെന്നാണ് രാഹുല്‍ പറയുന്നത്.
പാകിസ്ഥാന് ഉചിതമായ തിരിച്ചടി നല്‍കിയതില്‍ പ്രധാനമന്ത്രിയെ അഭിനന്ദിക്കുന്നു. ഇക്കാര്യത്തില്‍ കോണ്‍ഗ്രസ് പാര്‍ട്ടി മോദിയെ പിന്തുണയ്ക്കുന്നുവെന്നും അദ്ദേഹം വ്യക്തമാക്കി. പ്രധാനമന്ത്രി നരേന്ദ്രമോദിയെ ആദ്യമായാണ് രാഹുല്‍ ഗാന്ധി പ്രശംസിക്കുന്നത്.
രാജ്യത്തിന്റെ സുരക്ഷയ്ക്കായി പ്രവര്‍ത്തിക്കുന്ന ധീര ജവാന്‍മാരില്‍ താന്‍ അഭിമാനം കൊള്ളുന്നുവെന്നും ഭീകരവാദത്തെ പിന്തുണയ്ക്കുന്നവര്‍ക്കെതിരെ രാജ്യം ഒറ്റക്കെട്ടായി നിലകൊള്ളുമെന്നും രാഹുല്‍ ഗാന്ധി പറഞ്ഞു.
Post Your Comments