വീണ്ടും സ്മാര്‍ട്ട്ഫോണ്‍ പൊട്ടിത്തെറിച്ചതായി റിപ്പോര്‍ട്ട്!

ലൈഫ് വാട്ടര്‍ 1 സ്മാര്‍ട്ട്‌ഫോണ്‍ ഒരു യൂസറുടെ കൈയ്യില്‍ ഇരുന്ന് പൊട്ടിത്തെറിച്ചതായി വിവരം. പൊട്ടിത്തെറിച്ച ഫോണിന്റെ ചിത്രങ്ങള്‍ ഗെഡി റൗട്ട് ജമ്മു എന്നഫേസ്ബുക്ക് പേജ് പുറത്തുവിട്ടിട്ടുണ്ട്. സ്മാര്‍ട്ട്‌ഫോണ്‍ പൊട്ടിത്തെറി സംഭവം ഈ മാസം ഇത് രണ്ടാം തവണയാണ് റിപ്പോര്‍ട്ട് ചെയ്യപ്പെടുന്നത്. സാംസങ് പുതിയതായി പുറത്തിറക്കിയ ഗ്യാലക്‌സി നോട്ട് 7 ബാറ്ററി പൊട്ടിത്തെറിക്കുന്നതായി നിരവധി പേര്‍ പരാതിപ്പെട്ടിരുന്നു.

ജിയോ അവതരിപ്പിക്കുന്നതിന് മുൻപ് തന്നെ റിലയൻസ് ലൈഫ് സ്മാര്‍ട്ട്‌ഫോണുകളും അവതരിപ്പിച്ചിരുന്നു. അതിലൊന്നായിരുന്നു ലൈഫ് വാട്ടര്‍ 1. 14,699 രൂപയാണ് ജനുവരിയില്‍ ആദ്യമായി അവതരിപ്പിച്ച സ്മാര്‍ട്ട്‌ഫോണിന്റെ വില. ഫോണ്‍ വാങ്ങുമ്പോള്‍ ജിയോ സിമ്മും സൗജന്യമായി ലഭിക്കും.