സാംസംഗിന്റെ ഏറ്റവും പുതിയ ഗാലക്സി നോട്ട്-7 സ്മാര്‍ട്ട്ഫോണുകള്‍ കമ്ബനി തിരികെവിളിക്കുന്നു. ചാര്‍ജിംഗിനിടെ ഫോണുകള്‍ക്ക് തീപിടിക്കുന്നുവെന്ന് കണ്ടെത്തിയതിനെത്തുടര്‍ന്നാണ് നോട്ട്-7 ശ്രേണിയിലെ എല്ലാ ഫോണുകളും തിരികെവിളിക്കാന്‍ സാംസംഗ് തീരുമാനിച്ചത്.
ലോകത്തിലെ ഏറ്റവും വലിയ സ്മാര്‍ട്ട് ഫോണ്‍ നിര്‍മാതാക്കളായ സാംസംഗ് കഴിഞ്ഞ മാസമാണ് അവരുടെ അഭിമാനപദ്ധതിയായി ഗാലക്സി നോട്ട് -7 സ്മാര്‍ട്ട്ഫോണ്‍ പുറത്തിറക്കിയത്. സാംസംഗിന്റെ മുഖ്യ എതിരാളികളായ ആപ്പിള്‍ അടുത്തയാഴ്ച അവരുടെ പുതിയ സ്മാര്‍ട്ട് ഫോണ്‍ അവതരിപ്പിക്കുമെന്നു പ്രഖ്യാപിക്കുകയും ചെയ്തിരുന്നു.
ഈ സാഹചര്യത്തില്‍ ഫോണുകള്‍ പിന്‍വലിക്കുന്നത് കമ്പനിക്ക് ഏറെ ക്ഷീണം ചെയ്യുമെന്നാണ് കരുതുന്നത്.
Post Your Comments