ലബനനിലെ വാക്കിടോക്കി സ്ഫോടന പരമ്പരയിൽ മരണം 14 കടന്നു, എങ്ങും പരിഭ്രാന്തി മാത്രം

ബെ​യ്റൂ​ട്ട്: ​ലെ​ബ​ന​നിൽ വാക്കിടോക്കികൾ പൊട്ടിത്തെറിച്ച് ഉണ്ടായ അപകടത്തിൽ മരണം 14 ആയി. ഹിസ്‌ബുല്ലയുടെ ശക്തികേന്ദ്രങ്ങളിൽ ലബനൻ ഉപയോഗിക്കുന്ന വാക്കിടോക്കികളാണ് പൊട്ടിത്തെറിച്ചത്. എത്ര വാക്കിടോക്കികൾ പൊട്ടിത്തെറിച്ചെന്ന് വ്യക്തമല്ല. മുന്നൂറിലധികം പേർക്ക് പരിക്കേറ്റതായി റിപ്പോർട്ടുകൾ. ചില സ്ഥലങ്ങളിൽ ലാൻഡ്‌ലൈൻ ടെലിഫോണുകളും പൊട്ടിത്തെറിച്ചതായി റിപ്പോർട്ട് വരുന്നുണ്ട്.

ഇ​ന്നലെ ​ ​ഉ​ച്ച​തി​രി​ഞ്ഞാണ് ലെബനനിൽ ​വാ​ക്കി​ടോ​ക്കി​ ​സ്ഫോ​ട​ന​ങ്ങ​ൾ​ ​ഉ​ണ്ടാ​യ​ത്.​ തെ​ക്ക​ൻ​ ​ലെ​ബ​ന​നി​ൽ​ ​വ്യാ​പ​ക​മാ​യും​ ​ബെ​യ്റൂ​ട്ടി​ന്റെ​ ​തെ​ക്ക​ൻ​ ​പ്രാ​ന്ത​പ്ര​ദേ​ശ​ങ്ങ​ളി​ലും വാക്കിടോക്കികൾ പൊട്ടിത്തെറിക്കുകയായിരുന്നു. ​ബയ്‌റൂട്ട്, ബെക്കാ വാലി, ദക്ഷിണ ലെബനൻ എന്നിങ്ങനെ മൂന്നിടത്ത് സ്ഫോടനമുണ്ടായതായാണ് ലെബനീസ് മാധ്യമങ്ങൾ റിപ്പോർട്ട് ചെയ്യുന്നത്. എ​ല്ലാം​ ​ഹി​സ്ബു​ള്ള​ ​കേ​ന്ദ്ര​ങ്ങ​ളാ​ണ്. ചൊ​വ്വാ​ഴ്ച​ ​പേ​ജ​ർ​ ​പൊ​ട്ടി​ത്തെ​റി​ച്ച് ​കൊ​ല്ല​പ്പെ​ട്ട​വ​രു​ടെ​ ​സം​സ്കാ​ര​ച്ച​ട​ങ്ങി​നി​ടെ​യും​ ​വാ​ക്കി​ടാ​ക്കി​ ​സ്ഫോ​ട​ന​മു​ണ്ടാ​യി.

അ​ഞ്ച് ​മാ​സം​ ​മു​മ്പ് ​കൊ​ണ്ടു​വ​ന്ന​ ​വാ​ക്കി​ടോ​ക്കി​ക​ളാ​ണ് ​പൊ​ട്ടി​ത്തെ​റി​ച്ച​ത്.​ ​ക​ഴി​ഞ്ഞ​ ​ദി​വ​സം​ ​പൊ​ട്ടി​ത്തെ​റി​ച്ച​ ​പേ​ജ​റു​ക​ൾ​ക്കൊ​പ്പം​ ​എ​ത്തി​ച്ച​താ​ണ് ​വാ​ക്കി​ ​ടാ​ക്കി​ക​ളും.​ ​പേ​ജ​റു​ക​ളി​ൽ​ ​സ്ഫോ​ട​ക​ ​വ​സ്തു​ ​വ​ച്ച് ​മെ​സേ​ജ് ​അ​യ​ച്ചാ​ണ് ​ ​ഇ​സ്ര​യേ​ൽ​ ​ചാ​ര​സം​ഘ​ട​ന​യാ​യ മോ​സാ​ദ് ​സ്ഫോ​ട​ന​ങ്ങ​ൾ​ ​ന​ട​ത്തി​യ​ത്.

ലെബനനിലെ ഈ വാക്കിടോക്കി, പേജർ സ്‌ഫോടന പരമ്പരയുടെ പശ്ചാത്തലത്തിൽ ഐക്യരാഷ്ട്ര സഭ രക്ഷാസമിതി അടിയന്തര യോഗം വിളിച്ചു. ഈ ആഴ്ച തന്നെ യോഗം ചേരുമെന്നാണ് യു എൻ അറിയിച്ചിരിക്കുന്നത്. അതേസമയം ഈ സ്ഫോടനങ്ങൾക്ക് പിന്നാലെ ഇസ്രയേലിന്റെ ആയുധപ്പുരയ്ക്ക് നേരെ റോക്കറ്റ് ആക്രണം നടത്തിയതായി ഹിസ്ബുല്ല അവകാശപ്പെടുന്നു. എന്നാൽ ഈ സംഭവത്തിൽ ഇസ്രയേലിന്റെ ഭാഗത്ത് നിന്ന് ഔദ്യോഗിക പ്രഖ്യാപനങ്ങൾ ഒന്നും വന്നിട്ടില്ല.