കാഞ്ചീപുരം: പോലീസ് കോണ്‍സ്റ്റബിളിനെ മൂര്‍ച്ചയേറിയ ആയുധങ്ങള്‍ കാട്ടി ഭീഷണിപ്പെടുത്തി ഓടിച്ച സംഭവത്തില്‍ മൂന്ന് പേര്‍ അറസ്റ്റിലായി. തമിഴ്‌നാട് കാഞ്ചീപുരത്താണ് സംഭവം. ഇവര്‍ ലഹരിയ്ക്ക് അടിമകളാണെന്നാണ് വിവരം. തിരുമാവളവന്‍ എന്ന 47 കാരനെ കാട്ടുപാക്കത്തെ ക്ഷേത്രത്തില്‍ ദര്‍ശനം നടത്തി മടങ്ങുന്നതിനിടെ പണം ആവശ്യപ്പെട്ട് ഈ മൂന്നംഗ സംഘം തടഞ്ഞു. ഇവര്‍ കഞ്ചാവ് ലഹരിയിലായിരുന്നു. എന്നാല്‍, തിരുമാവളവന്‍ പോലീസ് ഹെല്‍പ്പ് ലൈന്‍ 100 വഴി പോലീസിനെ വിളിച്ച് അടുത്തുള്ള പോലീസ് സ്റ്റേഷനില്‍ സഹായം തേടുകയായിരുന്നു.
Read Also: നിരവധി ക്രിമിനൽ കേസുകളിൽ പ്രതി: യുവാവിനെ കാപ്പ ചുമത്തി നാടുകടത്തി
തുടര്‍ന്ന്, മങ്ങാട് പോലീസ് സ്റ്റേഷനിലെ കോണ്‍സ്റ്റബിള്‍ ശരവണന്‍ സ്ഥലത്തെത്തി. എന്നാല്‍, മൂന്നംഗ സംഘം ശരവണനെ മൂര്‍ച്ചയേറിയ ആയുധങ്ങള്‍ കാട്ടി ഭീഷണിപ്പെടുത്തി തിരിച്ചയച്ചു. പോലീസ് കോണ്‍സ്റ്റബിളിനെ ഓടിക്കുന്ന വീഡിയോ സോഷ്യല്‍ മീഡിയയില്‍ വൈറലായിരുന്നു.
തിരുമാവളവനെയും ശരവണനെയും ഭീഷണിപ്പെടുത്തിയ ദിവസം ഒരു ഓട്ടോറിക്ഷാ ഡ്രൈവറെയും ഈ മൂവര്‍ സംഘം ആക്രമിച്ചിരുന്നു.
Post Your Comments