ശ്രീകണ്ഠാഷ്ടകം 

 

ശ്രീഗണേശായ നമഃ ॥

യഃ പാദപപിഹിതതനുഃ
പ്രകാശതാം പരശുരാമേണ ।
നീതഃ സോഽവ്യാത്സതതം ശ്രീകണ്ഠഃ പാദനംരകല്‍പതരുഃ ॥ 1॥

യഃ കാലം ജിതഗര്‍വം കൃത്വാ ക്ഷണതോ മൃകണ്ഡുമുനിസൂനും ।
നിര്‍ഭയമകരോത്സോഽവ്യാച്ഛ്രീകണ്ഠഃ പാദനംരകല്‍പതരുഃ ॥ 2॥

കുഷ്ഠാപസ്മാരമുഖാ രോഗാ യത്പാദസേവനാത്സഹസാ ।
പ്രശമം പ്രയാന്തി സോഽവ്യാച്ഛ്രീകണ്ഠഃ പാദനംരകല്‍പതരുഃ ॥ 3॥

യദവിദ്യൈവ ജഗദിദമഖിലം
പ്രതിഭാതി സത്യവത്പൂര്‍വം
ജ്ഞാനാത്സോഽവ്യാത്സതതം
ശ്രീകണ്ഠഃ പാദനംരകല്‍പതരുഃ ॥

യമിവൃന്ദവന്ദ്യചരണഃ കമിതാ ധരണീധരേന്ദ്രതനയായാഃ ।
ശ്രീശാദിവന്ദിതോവ്യാച്ഛ്രീകണ്ഠഃ പാദനംരകല്‍പതരുഃ

യോ ദക്ഷിണാസ്യരൂപം ധൃത്വാ വിജ്ഞാനദാനകൃതദീക്ഷഃ
മുഗ്ധേഭ്യോപി സ പായാച്ഛ്രീകണ്ഠഃ പാദനംരകല്‍പതരുഃ ॥ 6॥

അന്ധോപി യത്കരുണയാ
ചക്ഷുഷ്മാന്‍ഭവതി സത്വരം ലോകേ
കരുണാനിധിഃ സ പായാച്ഛ്രീകണ്ഠഃ പാദനംരകല്‍പതരുഃ

കപിലാതടാദൃതഗതിഃ കപിലാദിമുനീന്ദ്രവന്ദ്യപദപദ്മഃ
ശ്രീദഃ പായാത്സതതം ശ്രീകണ്ഠഃ പാദനംരകല്‍പതരുഃ

ശ്രീകണ്ഠാഷ്ടകമേതത്പഠതി
ജനോ യഃകൃതാദരഃ സതതം ।
ശ്രീവിദ്യാസദനം സ പ്രഭവേന്നൈ
വാത്ര സന്ദേഹഃ

ഇതി ശ്രീകണ്ഠാഷ്ടകം സമ്പൂര്‍ണം ।