പ്രമുഖ വ്യവസായി രാഹുൽ ബജാജ് അന്തരിച്ചു

ഡൽഹി: ബജാജ് ഓട്ടോയുടെ തലവനും പ്രമുഖ വ്യവസായിയുമായ രാഹുൽ ബജാജ് അന്തരിച്ചു. അദ്ദേഹത്തിന് 83 വയസ്സായിരുന്നു. ഇന്ന് ഉച്ചയ്ക്ക് 2.30ഓടെ പൂനെയിൽ വെച്ചാണ് രാഹുൽ ബജാജ് അന്തരിച്ചതെന്ന് ബജാജ് ഗ്രൂപ്പിന്റെ പ്രസ്താവനയിൽ പറയുന്നു. അദ്ദേഹത്തിന്റെ അന്ത്യകർമ്മങ്ങൾ ഞായറാഴ്ച നടക്കും.

1938 ജൂൺ 10 ന് ജനിച്ച രാഹുൽ ബജാജ് 40 വർഷത്തോളം ബജാജ് ഗ്രൂപ്പിന്റെ ചെയർമാനായി പ്രവർത്തിച്ചു. കഴിഞ്ഞ വർഷം ഏപ്രിലിൽ ബജാജ് ഓട്ടോയുടെ ചെയർമാൻ സ്ഥാനം രാജിവച്ച രാഹുൽ ബജാജ് നിലവിൽ സ്ഥാപനത്തിന്റെ എമിരിറ്റസ് ചെയർമാനായിരുന്നു. 2001-ൽ രാഹുൽ ബജാജിന് മൂന്നാമത്തെ ഉയർന്ന സിവിലിയൻ ബഹുമതിയായ പത്മഭൂഷൺ ലഭിച്ചു. ബജാജ് രാജ്യസഭാ എംപിയായും സേവനമനുഷ്ഠിച്ചു