പാലായിൽ ബസും സ്‌കൂട്ടറും കൂട്ടിയിടിച്ചുണ്ടായ അപകടത്തില്‍ യുവാവിന് ദാരുണാന്ത്യം : ഭാര്യയ്ക്ക് ഗുരുതര പരുക്ക്

കോട്ടയം : പാലാ- തൊടുപുഴ റോഡില്‍ ബസും സ്‌കൂട്ടറും കൂട്ടിയിടിച്ചുണ്ടായ അപകടത്തില്‍ യുവാവിന് ദാരുണാന്ത്യം. മുണ്ടാങ്കല്‍ സ്വദേശി ധനേഷ് ആണ് മരിച്ചത്. ഇന്ന് രാവിലെ പതിനൊന്നരയോടെയായിരുന്നു സംഭവം.

ധനേഷും ഭാര്യയും സഞ്ചരിച്ച സ്‌കൂട്ടര്‍ ബസുമായി കൂട്ടിയിടിക്കുകയായിരുന്നു. ധനേഷിന്റെ ഭാര്യക്കും അപകടത്തില്‍ പരുക്കേറ്റു. പെട്രോളടിച്ച ശേഷം പമ്പില്‍ നിന്ന് പുറത്തേക്ക് ഇറങ്ങിയപ്പോഴാണ് ബസും സ്‌കൂട്ടറും കൂട്ടിയിടിച്ചത്.

ധനേഷ് സംഭവ സ്ഥലത്ത് വെച്ചുതന്നെ മരിച്ചു. ഭാര്യയെ പരുക്കുകളോടെ ആശുപത്രിയില്‍ പ്രവേശിപ്പിച്ചു.