പെരുമ്പാവൂർ : രണ്ടു വർഷമായി പെരുമ്പാവൂരിൽ ഒളിവിൽ കഴിഞ്ഞ ഇതര സംസ്ഥാനത്തൊഴിലാളി പിടിയിൽ. ആസാം ദിബ്രുഗഡ് സ്വദേശി രഞ്ജൻ ബോറോ ഗെയിൻ (28)നെയാണ് പെരുമ്പാവൂർ എ.എസ്.പിയുടെ നേതൃത്വത്തിലുള്ള പ്രത്യേക അന്വേഷണ സംഘം പിടികൂടിയത്.
2020ൽ മേഘാലയ റിഭോയ് ജില്ലയിലെ നോങ് പോഹ് പോലീസ് സ്റ്റേഷനിൽ രജിസ്റ്റർ ചെയ്ത മോഷണക്കേസിൽ അറസ്റ്റ് ചെയ്തതിനുശേഷം പോലീസ് കസ്റ്റഡിയിൽ നിന്ന് രക്ഷപ്പെടുകയായിരുന്നു. ജില്ലാ പോലീസ് മേധാവി ഡോ വൈഭവ് സക്സേനയ്ക്ക് ലഭിച്ച വിവരത്തിൻ്റെ അടിസ്ഥാനത്തിൽ നടന്ന അന്വേഷണത്തിൽ ഇയാളെ വല്ലം ഭാഗത്തുള്ള ഒരു പ്ലൈവുഡ് കമ്പനിയിൽ നിന്നാണ് പിടികൂടിയത്.
പെരുമ്പാവൂർ എ എസ് പി ശക്തി സിംഗ് ആര്യ, എസ്.ഐ പി.എം റാസിഖ്, എ. എസ്. ഐ പി.എ അബ്ദുൽ മനാഫ്, ടി.എ അഫ്സൽ, ബെന്നി ഐസക്, അജിത്ത് മോഹൻ തുടങ്ങിയവരാണ് അന്വേഷണ സംഘത്തിലുണ്ടായിരുന്നത്. പിടികൂടിയ പ്രതിയെ മേഘാലയ പോലീസിന് കൈമാറി.
Post Your Comments