പലസ്തീന്‍: പലസ്തീന്‍ ഭീകര സംഘടനയായ ഹമാസ് സ്വവര്‍ഗ ബന്ധമുള്ള സ്വന്തം പോരാളികളെ പീഡിപ്പിക്കുകയും വധിക്കുകയും ചെയ്തതായി രഹസ്യ രേഖകള്‍ വെളിപ്പെടുത്തിയിട്ടുണ്ടെന്ന് ദി ന്യൂയോര്‍ക്ക് പോസ്റ്റിലെ ഒരു റിപ്പോര്‍ട്ട് പറയുന്നു. ഇസ്രായേല്‍ പ്രതിരോധ സേന (IDF) ആക്സസ് ചെയ്ത രേഖകള്‍, തടവില്‍ കഴിഞ്ഞിരുന്ന ചില പുരുഷന്മാരായ ഇസ്രായേലി ബന്ദികളെ ഹമാസ് ഭീകരര്‍ ബലാത്സംഗം ചെയ്തതായും വെളിപ്പെടുത്തുന്നു.
Read Also: പടക്ക നിര്‍മ്മാണശാലയില്‍ വന്‍ സ്‌ഫോടനം; ഒരു മരണം, 7 പേര്‍ക്ക് പരിക്ക്
ഭീകര സംഘടനയുടെ ‘ധാര്‍മ്മിക പരിശോധനകളില്‍’ പരാജയപ്പെട്ട 94 ഹമാസ് റിക്രൂട്ട്മെന്റുകളെ രേഖയില്‍ പരാമര്‍ശിച്ചു. അവരുടെ കുറ്റകൃത്യങ്ങളില്‍ സ്വവര്‍ഗ ബന്ധങ്ങള്‍ പുലര്‍ത്തുക, നിയമപരമായ ബന്ധമില്ലാത്ത സ്ത്രീകളുമായി പ്രണയ ബന്ധം, കുട്ടികളെ ബലാത്സംഗം ചെയ്യുക, പ്രകൃതിവിരുദ്ധ പീഡനം എന്നിവ ഉള്‍പ്പെടുന്നു. മിക്ക ഹമാസ് അംഗങ്ങളും ഇന്റലിജന്‍സ്, സൈനിക, ആഭ്യന്തര മന്ത്രാലയങ്ങളുടെ ഭാഗമായിരുന്നു.
ഗാസയില്‍ സ്വവര്‍ഗ ബന്ധങ്ങള്‍ നിയമവിരുദ്ധമാണ്, അത് തടവ് ശിക്ഷയും മരണവും വരെ ലഭിക്കാന്‍ സാധ്യതയുണ്ട്. 2012 നും 2019 നും ഇടയില്‍ അജ്ഞാതമായ സൂചനകളുടെ അടിസ്ഥാനത്തിലാണ്, ഗേ ഹമാസ് അംഗങ്ങള്‍ക്കെതിരെ നടപടി സ്വീകരിച്ചത്.
എന്നിരുന്നാലും, സ്വവര്‍ഗരതിയുടെ പേരില്‍ ഹമാസ് സ്വന്തം പ്രവര്‍ത്തകരെ വധിക്കുന്നത് ഇതാദ്യമല്ല. 2016 ല്‍, ഒരു പുരുഷനുമായി ലൈംഗിക ബന്ധത്തില്‍ ഏര്‍പ്പെട്ടതിന് ഹമാസ് ഉന്നത കമാന്‍ഡര്‍ മഹ്മൂദ് എഷ്താവിയെ സംഘടന വധിച്ചു. ഇയാള്‍ ഒരു ഇസ്രായേലി ചാരനാണെന്നും ഹമാസ് പ്രഖ്യാപിച്ചിരുന്നു.
Leave a Comment