കുതിച്ചുയർന്ന് സ്വർണവില : അന്താരാഷ്ട്ര സ്വര്‍ണ്ണവിലയും വർധിച്ചു

കൊച്ചി : സംസ്ഥാനത്ത് സ്വര്‍ണവിലയില്‍ കുതിപ്പ് തുടരുന്നു. ഇന്ന് 960 രൂപയാണ് പവന് ഉയര്‍ന്നത്. ഇതോടെ സ്വര്‍ണവില ആദ്യമായി 61000 കടന്നു. ഒരു പവന്‍ സ്വര്‍ണത്തിൻ്റെ ഇന്നത്തെ വില 61,840 രൂപയാണ്.

അന്താരാഷ്ട്ര സ്വര്‍ണ്ണവിലയും സര്‍വകാല റെക്കോര്‍ഡിലാണ്. ഒരു ഗ്രാം 22 കാരറ്റ് സ്വര്‍ണത്തിന് 7,730 രൂപയാണ് വില വരുന്നത്. ഒരു ഗ്രാം 18 കാരറ്റ് സ്വര്‍ണത്തിന്റെ വില 6385 രൂപയുമാണ്. സംസ്ഥാനത്ത് വെള്ളി വിലയും കൂടിയിട്ടുണ്ട്. ഒരു ഗ്രാം ഹാള്‍മാര്‍ക്ക് വെള്ളി വില 101 രൂപയാണ്.