2024 ൽ സിനിമാ ലോകത്ത് ശ്രദ്ധനേടിയ താര വിവാഹങ്ങൾ

താരങ്ങളുടെ വിവാഹ വാർത്തകൾ ആരാധകർ ഏറ്റെടുക്കാറുണ്ട്. 2024 ലും വ്യത്യസ്‌തതയാർന്ന ചടങ്ങുകളിലൂടെ തങ്ങളുടെ വിവാഹ നാളുകൾ ആഘോഷിച്ച താരങ്ങളുണ്ട്. സോനാക്ഷി സിൻഹ, നാഗ ചൈതന്യ, മീര നന്ദൻ, കാളിദാസ് ജയറാം വരെയുള്ള താരങ്ങളുടെ വിവാഹ വിശേഷങ്ങൾ അറിയാം.

രാകുൽ പ്രീത് സിങ് – ജാക്കി ഭഗ്‌നാനി

ബോളിവുഡ് താരങ്ങളായ രാകുൽ പ്രീത് സിങ്ങും ജാക്കി ഭഗ്‌നാനിയും 2024 ഫെബ്രുവരി 21 ന് ഗോവയിൽ വെച്ച് വിവാഹിതരായി. ബീച്ചിൽ വച്ചാണ് ഇരുവരുടെയും വിവാഹം നടന്നത്.

പുൽകിത് സാമ്രാട്ട് – കൃതി ഖർബന്ദ

പുൽകിത് സാമ്രാട്ടും കൃതി ഖർബന്ദയും 2024 മാർച്ച് 15 ന് ഗുരുഗ്രാമിൽ വെച്ച് വിവാഹിതരായി. സുഹൃത്തുക്കളും കുടുംബാംഗങ്ങളും മാത്രമായിരുന്നു വിവാഹ ചടങ്ങിൽ പങ്കെടുത്തത്. വളരെ സിംപിൾ ആയ രീതിയിലായിരുന്നു വിവാഹം നടന്നത്.

ഇറാ ഖാൻ – നൂപുർ ശിഖരെ

2024 ഫെബ്രുവരി 20 ന് ഗോവയിൽ വെച്ചാണ് ഇറാ ഖാനും നൂപുർ ശിഖരെയും വിവാഹിതരായത്. .

സോനാക്ഷി സിൻഹ – സഹീർ ഇഖ്ബാൽ

സോനാക്ഷി സിൻഹയും സഹീർ ഇഖ്ബാലും 2024 ഏപ്രിൽ 22 ന് മുംബൈയിൽ വെച്ചാണ് വിവാഹിതരായത് . ബോളിവുഡിലെ പ്രമുഖ താരങ്ങൾ പങ്കെടുത്ത പ്രൗഢഗംഭീരമായ ചടങ്ങിന്റെ ചിത്രങ്ങൾ സോഷ്യൽ മീഡിയയിൽ ഏറെ ശ്രദ്ധനേടിയിരുന്നു.

ഹിമാൻഷ് കോലി – വിനി കോലി

ഹിമാൻഷ് കോഹ്‌ലിയും വിനി കോഹ്‌ലിയും 2024 നവംബർ 12- നാണു വിവാഹിതരായത്. ഇരുവരുടെയും കുടുംബാംഗങ്ങളും അടുത്ത സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്.

നാഗ ചൈതന്യ – ശോഭിത ധൂലിപാല

നാഗ ചൈതന്യയും ശോഭിത ധൂലിപാലയും 2024 ഡിസംബർ 4-നു വിവാഹിതരായി. വളരെ സ്വകാര്യമായി നടന്ന ചടങ്ങിൽ കുടുംബാംഗങ്ങളും അടുത്ത സുഹൃത്തുക്കളും മാത്രമാണ് പങ്കെടുത്തത്.

മീര നന്ദൻ – ശ്രീജു

മലയാളത്തിന്റെ പ്രിയതാരം മീരാനന്ദൻ 2024 ജൂൺ 29 നു ഗുരുവായൂരിൽ വച്ച് വിവാഹിതയായി. ലണ്ടനില്‍ അക്കൗണ്ടന്‍റായ ശ്രീജുവാണ് വരന്‍.

കാളിദാസ് ജയറാം – താരിണി

മലയാളത്തിന്റെ പ്രിയ താരമാണ് കാളിദാസ്. ജയറാമിന്റെയും പാര്‍വതിയുടെയും മകനും നടനുമായ കാളിദാസ് ഗുരുവായൂര്‍ ക്ഷേത്രത്തില്‍ നടന്ന ചടങ്ങില്‍ താരിണി കലിംഗരായരെ താലി ചാര്‍ത്തി. ഡിസംബർ 8 നു രാവിലെ 7.15നും എട്ടുനുമിടയിലായിരുന്നു വിവാഹം. ജയറാമിന്റെ മകള്‍ മാളവികയുടെ വിവാഹം ഈ വര്‍ഷം മെയില്‍ ഇവിടെ വച്ചു നടന്നിരുന്നു.