ഈ ആറ് ലക്ഷണങ്ങൾ കരൾ തകരാറിലാണെന്നതിന്റെ സൂചന

മനുഷ്യ ശരീരത്തിലെ വളരെ പ്രധാനപ്പെട്ട ഒരു അവയവമാണ് കരൾ. പ്രോട്ടീനുകൾ, കൊളസ്‌ട്രോൾ, പിത്തരസം എന്നിവ ഉൽപ്പാദിപ്പിക്കുന്നതിന് പുറമേ, ജീവകങ്ങളും ധാതുക്കളും കാർബോഹൈഡ്രേറ്റുകളും മറ്റ് സുപ്രധാന പ്രവർത്തനങ്ങൾക്കായി സംഭരിക്കുന്നു. കൂടാതെ, മദ്യം, മയക്കുമരുന്ന്, ഉപാപചയ മാലിന്യങ്ങൾ തുടങ്ങിയ വിഷങ്ങൾ സ്വാഭാവികമായി ഇല്ലാതാക്കുന്നു.

നിങ്ങൾക്ക് ശരീരത്തിന്റെ മൊത്തത്തിലുള്ള ആരോഗ്യം നിലനിർത്തണമെങ്കിൽ കരളിന്റെ ആരോഗ്യം മികച്ചതായി നിലനിർത്തേണ്ടത് പ്രധാനമാണ്. കരൾ രോഗം ജനിതകമാകാം അല്ലെങ്കിൽ വൈറസുകൾ, മദ്യപാനം, അമിതവണ്ണം തുടങ്ങിയ കരളിനെ തകരാറിലാക്കുന്ന വിവിധ ഘടകങ്ങൾ മൂലമാകാം. കരൾ ശരിയായി പ്രവർത്തിക്കുന്നില്ല എന്നതിന്റെ ചില പ്രധാനപ്പെട്ട ലക്ഷണങ്ങൾ എന്തൊക്കെയാണെന്ന് പോഷകാഹാര വിദഗ്ധയായ റാഷി ചൗധരി പങ്കുവച്ച ഇൻസ്റ്റാഗ്രാം പോസ്റ്റിൽ പറയുന്നു.

ഒന്ന്…

ആരോഗ്യമുള്ള കരൾ പൊതുവെ പുറത്തുവിടുന്ന പിത്തരസം ലവണങ്ങളാണ് മലത്തിന് ഇരുണ്ട നിറം നൽകുന്നത്. അതിനാൽ അധിക കൊഴുപ്പ് മലം പൊങ്ങിക്കിടക്കുന്നതും ഇളം നിറമുള്ളതുമാക്കുന്നു.

രണ്ട്…

ഛർദ്ദി വളരെ സാധാരണമായ ഒരു ലക്ഷണമാണ്. കാരണം കരളിന് വിഷവസ്തുക്കളെ ഫിൽട്ടർ ചെയ്യാൻ കഴിയില്ല. രക്തപ്രവാഹത്തിൽ അടിഞ്ഞുകൂടുന്നത് ഓക്കാനം അനുഭവപ്പെടുന്നതിലേക്ക് നയിക്കുന്നു.

മൂന്ന്…

ഭക്ഷണം കഴിച്ചയുടൻ തന്നെ മലമൂത്രവിസർജനം നടത്താനുള്ള ആഗ്രഹം കരളിന്റെ പ്രശ്‌നത്തെ സൂചിപ്പിക്കുന്നു. കാരണം, നിങ്ങൾ കഴിക്കുന്നത് ആഗിരണം ചെയ്യാനും ഉപയോഗിക്കാനും കരളിന് കഴിയില്ല.

നാല്…

ചർമ്മവും കണ്ണും മഞ്ഞനിറത്തിലാകുന്നതാണ് മറ്റൊരു ലക്ഷണം. രക്തത്തിൽ ബിലിറൂബിൻ അടിഞ്ഞുകൂടുന്നതാണ് ഇതിന് കാരണം. ചില സന്ദർഭങ്ങളിൽ ചർമ്മത്തിൽ ചൊറിച്ചിലും ഉണ്ടാകുന്നു.

അഞ്ച്…

കരളിന് ശരിയായി വിഘടിപ്പിക്കാൻ കഴിയാത്തതിനാൽ അമിതമായ ബിലിറൂബിൻ അടിഞ്ഞുകൂടുന്നത് മൂത്രം ഇരുണ്ട നിറമാകുന്നതിന് കാരണമാകും.

ആറ്…

വയറ് വീർക്കുന്നതാണ് മറ്റൊരു ലക്ഷണം. ഈ അവസ്ഥയെ അസൈറ്റിസ് എന്നും വിളിക്കുന്നു. ഇത് അടിവയറ്റിൽ ദ്രാവകം നിലനിർത്തുന്നതിലേക്ക് നയിക്കുന്നു. വീർത്ത കാലുകൾ ഈ അവസ്ഥയെ തിരിച്ചറിയുന്നതിനുള്ള ഒരു പ്രധാന ലക്ഷണമാണ്.