കൊച്ചി വാട്ടർ മെട്രോ: പുതിയ രണ്ട് സർവീസുകൾ ഇന്ന് ആരംഭിക്കും, റൂട്ടുകളിലെ ടിക്കറ്റ് നിരക്കുകൾ അറിയാം

കൊച്ചി: കൊച്ചി വാട്ടർ മെട്രോയുടെ പുതിയ 2 സർവീസുകൾ ഇന്ന് മുതൽ ആരംഭിക്കും. വ്യാഴാഴ്ച മുഖ്യമന്ത്രി 4 ടെർമിനലുകളുടെ ഉദ്ഘാടനം നിർവ്വഹിച്ചിരുന്നു. ഈ ടെർമിനലുകളെ ബന്ധിപ്പിച്ചിട്ടുള്ള സർവീസുകളാണ് ഇന്ന് മുതൽ ആരംഭിക്കുന്നത്. മുളവുകാട് നോർത്ത്, സൗത്ത് ചിറ്റൂർ, ഏലൂർ, ചേരാനല്ലൂർ ഇനി നാല് വാട്ടർ മെട്രോ ടെർമിനലുകളാണ് ഉദ്ഘാടനം ചെയ്തത്.

പുതിയ സർവീസ് കൂടി ആരംഭിക്കുന്നതോടെ 9 ടെർമിനലുകളിലായി 5 റൂട്ടുകളിലേക്ക് വാട്ടർ മെട്രോയുടെ സേവനം ലഭ്യമാകും. ഹൈക്കോട്ട് ജംഗ്ഷൻ ടെർമിനലിൽ നിന്ന് ബോൾഗാട്ടി, മുളവുകാട് നോർത്ത് ടെർമിനലുകൾ വഴി സൗത്ത് ചിറ്റൂർ ടെർമിനൽ വരെയാണ് ഒരു റൂട്ട്. സൗത്ത് ചിറ്റൂർ ടെർമിനലിൽ നിന്ന് ഏലൂർ ടെർമിനൽ വഴി ചേരാനല്ലൂർ ടെർമിനൽ വഴിയുള്ളതാണ് രണ്ടാമത്തെ റൂട്ട്. രണ്ട് റൂട്ടുകളിലെയും പരമാവധി ടിക്കറ്റ് നിരക്ക് 40 രൂപയാണ്.

പുതിയ റൂട്ടുകളിലെ ടിക്കറ്റ് നിരക്ക്

• ഹൈകോർട്ട് ജംഗ്ഷൻ-മുളവുകാട് നോർത്ത് 30 രൂപ
• ഹൈകോർട്ട് ജംഗ്ഷൻ-സൗത്ത് ചിറ്റൂർ 40 രൂപ
• ബോൾഗാട്ടി-മുളവുകാട് നോർത്ത് 30 രൂപ
• ബോൾഗാട്ടി-സൗത്ത് ചിറ്റൂർ 40 രൂപ
• മുളവുകാട് നോർത്ത്-സൗത്ത് ചിറ്റൂർ 20 രൂപ
• സൗത്ത് ചിറ്റൂർ-ചേരാനെല്ലൂർ 30 രൂപ
• സൗത്ത് ചിറ്റൂർ-ഏലൂർ 30 രൂപ
• ഏലൂർ-ചേരാനെല്ലൂർ 20 രൂപ

Also Read: മോഷ്ടിച്ച ബൈക്കിലെത്തിയ മലപ്പുറം സ്വദേശി ലിഫ്റ്റ് കൊടുത്തു, പിന്നീട് നടന്നത് കൊടുംക്രൂരത: അനുവിന്റ മരണത്തിൽ നടന്നത്