കൂറ്റന്‍ പാറയ്ക്കു മുകളിലെ കൊട്ടാരം, രാവണന്‍ സീതയെ പാര്‍പ്പിച്ചയിടം: യുനസ്കോയുടെ എട്ടാം ലോകാത്ഭുതത്തെ കുറിച്ചറിയാം

ഈജിപ്തിലെ ഗിസയിലെ ഉയർന്ന പിരമിഡ് മുതൽ ഗ്രീസിലെ ഒളിമ്പിയയിലെ ഗംഭീരമായ സിയൂസിൻ്റെ പ്രതിമ വരെയുള്ള ലോകാത്ഭുതങ്ങളിൽ നിങ്ങൾ അത്ഭുതപ്പെട്ടിട്ടുണ്ടോ? അങ്ങനെയാണെങ്കിൽ, ലോകത്തിലെ എട്ടാമത്തെ അത്ഭുതമായ സിഗിരിയയെ കുറിച്ചുള്ള കൂടുതൽ അറിവുകൾ നിങ്ങളെ അത്ഭുതപ്പെടുത്തും. ശ്രീലങ്കയിൽ സ്ഥിതി ചെയ്യുന്ന ഈ അവിശ്വസനീയമായ പാറക്കൂട്ടം അതിൻ്റെ തനതായ വാസ്തുവിദ്യാ സവിശേഷതകളും ചരിത്രപരമായ പ്രാധാന്യവും കൊണ്ട് നിങ്ങളെ വിസ്മയിപ്പിക്കും. ചരിത്രവും കഥകളും ഏറെയുണ്ട് കല്ലിനു മുകളിലെ ഈ കോട്ടയ്ക്ക്. ശ്രീലങ്കയില്‍ ഏറ്റവുമധികം ആളുകള്‍ സന്ദര്‍ശിക്കാനെത്തുന്ന ഇവിടം കാലത്തിനും മുന്നേ സഞ്ചരിച്ച നിര്‍മ്മാണ ആശയങ്ങള്‍ക്കും പ്രസിദ്ധമാണ്.

പുരാതന ശിലാ കോട്ടയും കൊട്ടാര സമുച്ചയവുമാണ് സിഗിരിയ. അത് ശ്രീലങ്കയിലെ ആദിമനിവാസികൾ സൃഷ്ടിച്ച അവിശ്വസനീയമാംവിധം സാങ്കേതികമായ കല്ല് നിർമ്മാണ രീതികളും മനോഹരമായ മതിൽ കലകളും ഈ കോട്ടയിൽ കാണാം. അതിന്റെ ചുവരുകൾക്കുള്ളിൽ പൂന്തോട്ടങ്ങളും കുളങ്ങളും ജലാശയങ്ങളും മറ്റും ഉണ്ട്. ചരിത്രത്തേക്കാളുപരി വിശ്വാസങ്ങൾക്കും ഐതിഹ്യങ്ങൾക്കുമാണ് സിഗിരിയ പേരുകേട്ടിരിക്കുന്നത്. അവിശ്വസനീയമായ കഥകളുമായി നിൽക്കുന്ന ഈ കോട്ട കാണുവാൻ ലോകത്തിന്റെ എല്ലാ ഭാഗങ്ങളിൽ നിന്നും സഞ്ചാരികളെത്തുന്നു.

രാമായണവും രാവണനുമായി ബന്ധപ്പെട്ടു കിടക്കുന്ന ഇവിടം ശ്രീലങ്കയുടെ ഇന്നലെകളിലേക്കും വെളിച്ചം വീശുന്ന ഇടമാണ്. കേട്ടുപഴകിയ കഥകളിൽ നിന്നു എന്താണിവിടെ കാണാനുള്ളതെന്നറിയണമെങ്കിൽ ഒരിക്കലെങ്കിലും ഇവിടെ വരണം. ഇന്ന് സിഗിരിയ സന്ദർശിക്കുന്നവർക്ക് സിഗിരിയ ആർക്കിയോളജിക്കൽ മ്യൂസിയത്തിൽ നിന്ന് അതിൻ്റെ ആകർഷകമായ ചരിത്രത്തെക്കുറിച്ച് പഠിക്കാനാകും. റോക്ക് ക്ലൈംബിംഗ് പോലുള്ള നിരവധി പ്രവർത്തനങ്ങളിൽ പങ്കെടുക്കാനും സാധിക്കും. കാഴ്ചയില്‍ ഇന്ത്യയിലെ അജന്ത ഗുഹകളോട് ഏറെ സാദൃശ്യമുണ്ട് സിഗിരിയയ്ക്ക്.

നൂറ്റാണ്ടിലെ ക്രിസ്ത്യൻ കാലത്തിനു മുമ്പുള്ള ഫ്രെസ്കോകൾക്കും സിഗിരിയ പ്രശസ്തമാണ്. ശ്രീലങ്കയുടെ എട്ട് ലോക പൈതൃക സ്ഥലങ്ങളിൽ ഒന്നായ ഇത് യുനെസ്കോ ലോകത്തെ എട്ടാമത്തെ അത്ഭുതമായും പ്രഖ്യാപിച്ചിട്ടുണ്ട്. മദ്ധ്യശ്രീലങ്കയിൽ മാതലെ ജില്ലയിലാണ് സിഗിരിയ സ്ഥിതിചെയ്യുന്നത്. നിര്‍മ്മിതിയുടെ കാര്യത്തില്‍ കാലത്തിനും മുന്‍പേ സ‍ഞ്ചരിച്ച ഇടമെന്ന് ധൈര്യമായി ഈ പ്രദേശത്തെ വിശേഷിപ്പിക്കാം. എഡി 477 മുതൽ, നഗര ആസൂത്രണത്തിന്റെ ദക്ഷിണേഷ്യയിലെ ഏറ്റവും മികച്ച സംരക്ഷിത ഉദാഹരണങ്ങളിലൊന്നായാണ് ചരിത്രം ഇതിനെ കരുതുന്നത്. അതിന്റെ ഏറ്റവും പ്രധാനപ്പെട്ട പുരാവസ്തു സൈറ്റുകളിലൊന്നും കൂടിയാണിത്.