ഇടുക്കി: മറയൂരില്‍ റിട്ട. എസ്ഐയെ വെട്ടിക്കൊലപ്പെടുത്തിയ സംഭവത്തില്‍ പ്രതി പിടിയില്‍. മറയൂര്‍ സ്വദേശി അരുണ്‍ ആണ് പിടിയിലായത്. തമിഴ്നാട് പോലീസില്‍ എസ്ഐയായിരുന്ന ലക്ഷ്മണനാണ് കൊല്ലപ്പെട്ടത്. ഇയാളുടെ സഹോദരിപുത്രനാണ് അറസ്റ്റിലായ
അരുണ്‍.
മൊബൈല്‍ വാങ്ങി തരാത്തതിനെ ചൊല്ലിയുണ്ടായ തര്‍ക്കമാണ് കൊലപാതകത്തില്‍ കലാശിച്ചതെന്നാണ് ഇയാള്‍ മൊഴി നല്‍കിയത്. എന്നാല്‍ ലക്ഷ്മണിന്റെ സ്വത്തുമായി ബന്ധപ്പെട്ട കാര്യങ്ങളാണോ കൊലപാതകത്തിലേക്ക് നയിച്ചതെന്നും പോലീസ് പരിശോധിക്കുന്നുണ്ട്.
തിങ്കളാഴ്ച വൈകീട്ടായിരുന്നു സംഭവം. മറയൂര്‍ സ്‌കൂളിന് സമീപത്തുവച്ച് ഇരുവരും തമ്മില്‍ തര്‍ക്കമുണ്ടായി. ഇതിനിടെ അരുണ്‍ കത്തിയെടുത്ത് വെട്ടുകയായിരുന്നു. ലക്ഷ്മണിനെ ഉടനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
Post Your Comments