മാന്നാർ: കരോൾ സംഘം യുവാവിനെ മർദിച്ച കേസിൽ മൂന്നു പേർ അറസ്റ്റിൽ. മാന്നാർ കുരട്ടിശേരി പാലപ്പറമ്പിൽ അർജുൻ (19), മാന്നാർ കുരട്ടിശേരി പാവുക്കര ചോറ്റാളപറമ്പിൽ വിജയകിരൺ (ശരവണൻ 19), മാന്നാർ കുരട്ടിശേരി വിഷവർശെരിക്കര വള്ളിവേലിൽ അശ്വിൻ (18) എന്നിവരെയാണ് മാന്നാർ പൊലീസ് അറസ്റ്റ് ചെയ്തത്. ക്രിസ്മസ് തലേന്ന് രാത്രിയിലാണ് സംഭവം. താമരക്കുളം മഴുപാവിളയിൽ റെജി (33)യെ ആണ് കരോൾ സംഘം മർദിച്ചത്.
റെജിയും സുഹൃത്തും കൂടി വള്ളക്കാലിയിലുള്ള ബന്ധുവീട്ടിൽ ഒരു ചടങ്ങിനായി എത്തിയതായിരുന്നു. ചക്കിട്ട പാലത്തിനു സമിപത്തുവെച്ച് കരോൾ സംഘം ഇവരെ തടഞ്ഞു നിർത്തി മർദ്ദിച്ചതായാണ് പരാതി. റെജി മാന്നാർ പൊലീസിൽ പരാതി നൽകിയതിനെ തുടർന്ന് ഇൻസ്പെക്ടർ ജോസ് മാത്യുവിന്റെ നേതൃത്വത്തിൽ എത്തിയ പൊലീസ് സംഘമാണ് പ്രതികളെ പിടി കൂടിയത്.
Post Your Comments