ദീപാവലിയെ ‘ദീപങ്ങളുടെ ഉത്സവം’ എന്ന് പറയുന്നതിന്റെ കാരണം

വിവിധ തരത്തിലുള്ള ആഘോഷങ്ങൾ വിപുലമായി ആഘോഷിക്കപ്പെടുന്ന ഇന്ത്യയിൽ ജനങ്ങൾ ഏറ്റവും കൂടുതൽ കാത്തിരിക്കുന്ന ഉത്സവങ്ങളിലൊന്നാണ് ദീപാവലി. വീടുകളും കടകളും തെരുവുകളും മറ്റ് പല സ്ഥലങ്ങളും ദീപാലങ്കാരങ്ങളും വിളക്കുകളും കൊണ്ട് അലങ്കരിക്കുന്നതിനാൽ ദീപാവലി ‘ദീപങ്ങളുടെ ഉത്സവം’ എന്നും അറിയപ്പെടുന്നു. എന്നാൽ, ദീപാവലിയിൽ ദീപങ്ങൾ കത്തിക്കുന്നതിന്റെ പ്രാധാന്യവും ദീപാവലിയെ ‘ദീപങ്ങളുടെ ഉത്സവം’ എന്ന് വിളിക്കുന്നതിന്റെ കാരണവും വളരെ കുറച്ച് പേർക്ക് മാത്രമേ അറിയൂ.

2023 ദീപാവലി അടുക്കുമ്പോൾ, ഈ ഉത്സവത്തെക്കുറിച്ചും ദീപാവലിയെ ‘ദീപങ്ങളുടെ ഉത്സവം’ എന്ന് വിളിക്കുന്നതിന്റെ കാരണത്തെക്കുറിച്ചും മനസിലാക്കാം. ദീപാവലി ആഘോഷിക്കുന്നതിന് പിന്നിലെ ഐതിഹ്യങ്ങൾ ഓരോ പ്രദേശത്തും വ്യത്യസ്തമാണ്. എന്നിരുന്നാലും, പ്രധാനമായും, ശ്രീരാമൻ, ഭാര്യ സീത, സഹോദരൻ ലക്ഷ്മണൻ എന്നിവരോടൊപ്പം അയോധ്യയിലേക്ക് മടങ്ങിവന്നതിനെ അടയാളപ്പെടുത്തുന്നതിനാണ് ദീപാവലി ആഘോഷിക്കുന്നത്. 14 വർഷത്തെ വനവാസത്തിനും ലങ്കയിലെ രാജാവായ രാവണനെ പരാജയപ്പെടുത്തിയതിനും ശേഷമാണ് അദ്ദേഹത്തിന്റെ മടങ്ങിവരവ്. ഇരുട്ടിന്റെ മേൽ വെളിച്ചത്തിന്റെ വിജയമായി ശ്രീരാമന്റെ മടങ്ങിവരവിനെ അടയാളപ്പെടുത്തുന്നതിനായി, അയോധ്യയിലെ ജനങ്ങൾ മൺപാത്രങ്ങളിൽ ദീപം തെളിയിച്ച് രാജ്യം മുഴുവൻ പ്രകാശിപ്പിച്ചു.

14 വർഷത്തെ വനവാസത്തിനുശേഷം ശ്രീരാമനും ഭാര്യ സീതയും സഹോദരൻ ലക്ഷ്മണനും മടങ്ങിയെത്തിയ ദിവസം, കാർത്തിക അമാവാസിയായിരുന്നു. എന്നാൽ, ദശരഥ രാജാവിന്റെ മൂത്ത പുത്രൻ അയോധ്യയിലേക്ക് മടങ്ങിവരുന്നത് നഗരം മുഴുവൻ സന്തോഷവും ആഘോഷവും നിറച്ചു. ഈ ദിവസം അയോധ്യയിലെ ജനങ്ങൾ വളരെ സന്തുഷ്ടരായിരുന്നു. അവർ ദീപങ്ങളുടെ ഉത്സവം ആരംഭിച്ച് രാജ്യം മുഴുവൻ ദീപങ്ങളാൽ പ്രകാശിപ്പിച്ചു. ദീപാവലി ആഘോഷിക്കാൻ ആളുകൾ അവരുടെ വീടുകൾ ദീപങ്ങളും വിളക്കുകളും കൊണ്ട് അലങ്കരിക്കുന്നതിന്റെ കാരണവും ഇതാണ്.